سر الغرفه المظلمه

بقلم الكاتب حسن الشرقاوي 
صحيت على صوت أبويا وصاحبي محمد وللمره المليون بقيت مصډوم ومڤزوع كأني بقيت في حالة من الصرع
قلت...أنا كنت لسه في المكتبه حالا اييه إلى جابني هنا والست راحت فيييين
ووسط اندهاشهم من كلامي.. أنا إيه إلى جابني هنا
أبويا..ليه يابني إنت كنت في مكان تاني غير هنا
....قلت أيوه أنا لسه كنت في المكتبه

والست كاانت!!!!!
سكت شويه..
قال صاحبي محمد..والست إيه يافوزي مالها
...سكت مابقتش عارف أقول إيه
قعد أبويا ومحمد جمبي يسألوني عن حالتي وكلامي الغريب وايه موضوع المكتبه والست إلى بتكلم عنها دي
وفجأة ..
سمعت صوت بيهمس في ودني
وبيقول ماحدش هاينجدك من مصيرك إلى قرب
وسكت الصوت
أعاد عليا أبويا ومحمد اسألتهم...
اتعدلت وحكيت ليهم كل حاجه حصلت وبتحصلي بالتفصيل
علشان يستغربوا من كلامي
وشفت على وجوهم علامات عدم التصديق والشفقه عليا كأني بهزي أو بألفه من عندي
قلت....أنتم ليه مش مصدقني بس!!!! اقسم بالله أنا كل كلمه قلتها حقيقه أنا عايش في چحيم
إنت يا بابا مش كذا مره شوفت الكلاب والقطط وقلتلي إنت جايبهم ليه في أوضتك
وكذا مره تلاقيني في الحمام أو قدامه
صدقوني بقااا أنا تعبت....
وبعد شويه سابوني وخرجوا بعد ما الدكتور جه الصبح يشوفني واداني مهديء تاني
أبويا.. إيه يا دكتور هو فوزي ماله
الدكتور..فوزي أعصابه تعبانه خالص
محمد..يا دكتور فوزي بيقول كلام غريب اووي
الدكتور بعد ماوقف فكر شويه بعد ما قاله محمد على الكلام إلى قلته
وجه الحديث لابويا وقاله فوزي لازم يتنقل مصحه شويه يا حج لأنه مصاپ بحاله متأخره من التهيؤات
أبويا بحزن وأسي... لازم يعني يادكتور مانسيبه هنا ونعالجه
الدكتور..الحاله هاتدهور أكتر وهاتزيد 
لازم
يتنقل مصحه لحد ما حالته تستقر وتتحسن من التهيؤات إلى بتحصله دي
وبعد ما اقتنع أبويا غادر الدكتور بعد ما قاله هاتوه بكرا واحنا هنعمل اللازم 
محمد..الدكتور عنده حق يا عمي فوزي فعلا أعصابه تعبانه  وأنا شايف أنه لازم يروح المصحه يكمل علاجه
.....بس تفتكر يامحمد ليه بيقول كدا
....مش عارف يا عمي بس الأكيد أنه في حاله من التهيؤات فعلا
...غرييبه بس أنا سمعت صوت الكلاب والقطط فعلا في اوضته
...عادي ياعمي دا مش تأكيد لكلامه الغريب بردو وموضوع إنه بيشتغل في مكتبه مهجوره 
ودخلوا عندي الغرفه...
....إيه ياجماعه مالكم اتاخرتم ليه مع الدكتور برا
محمد..بص يافوزي إنت تعبان شويه ولازمك فتره من العلاج
....نعم علاج ايييه أنتم فاكرني مچنون صح
صح يابابا فاكرني مچنون!!!!!
لما لقيتهم ساكتين مابيردوش عليا اتعصبت وقلت بصوت عالى...أنا مش مجنووون 
ودخلت في حاله هستيريه من العصبيه
مسكني أبويا وحضني وقال..اهدا ياحبيبي اهدا
محمد.. إحنا ماقلناش أنك مچنون يا فوزي أي حد فينا اعصابه بيجي وقت وبتتعبه شويه وبيكون محتاج لعلاج
....لكن أنا أعصابي مش تعباني صدقوني أنا كل حاجه قلتلكم عليها بتحصلي
أنا بكون هنا في البيت وفي لحظه بلاقي نفسي في المكتبه دي وقدامي الست إلى وصفتهالكم وكمان عمي سالم