رواية إبليس والمتعه الحړام

الفصل الخامس

ضميري كان واجعني اووي إزاي اطاوع جوزي وأخالف إلى اتربيت عليه وعادتنا وتقاليدنا 
ازاااي أطلع بقميص نوم وأعمل فديو واعرض جسمي ليهم ليل ونهار بأنب في نفسي

كان جوزي بيحاول يقنعني إنها فديوهات عاديه  وهاتحسن وضعنا وتنقلنا نقله تانيه خااالص

لكن كنت مدايقه من نفسي أوي إني عملت حاجه زي كدا وزهقانه منه اوووي من متاجرته في لحمي مقابل المال
إلى بالفعل كنا في أشد الاحتياج ليه

لكن أنا خلاص طاوعته وعملت الفديو وكنت منتظره پخوف المصير إلى بينتظرني بعد إلى بيسموه روتين دااا
إلي بقا منتشر اووووي

بس هل فعلاً بيعمل فلوس زي ماقلي طارق ولا ڼصب وهيبقا فرضت في مبادئي على الفاضي

إبليس كان قاعد جوه عقلي ومستربع وبيديني مبررات كتير أوي إن إلى عملته دا الصح وكان لازم أعمله في ظل الأوضاع

إلى زي الزفت دي كان فيه جدال كبير مابين ضميري وإبليس
وجوزي إلى بيقوم بدور أكبر من إبليس في إقناعي إني لازم أعمل كدا
لما نشووف هايجيب فلوس فعلاً ولا لاااا وساعتها اشوووف هاكمل ولا اييه

وفي يوووم

لقيت طارق جاي والفرحه مش سايعاه أول مافتحت الباب حضنى وشالني وقعد يلف بيا كان مبسوووط اوووي

....ايييه إلى جابك دلوقتي؟! ومااالك مبسوط أوي ليه كدا

....دنا الفرحه مش سايعاني يانونتي يا حبيبتي

....ليييه خييير

....مش قلتلك خليكي ورايا هاتكسبي

.....ياعم انجز أنا مش فايقه ولسه عامله خڼاقه في السوق واعصابي تعبانه

....خلاااص ياقلبي مابقاش فيه خناقات في سواق ولا فقر تاني في حياتنا

....ياسلام ايه ورثت

....اااااه ورثت

....وورثت مين بقا إن شاء الله

....ورثت من وراكي إنتي ياقلبي

وطلع التليفون وفتح القناه إلى عملنا عليها الفيديو إلي بيسموه روتين

....قال شوووفي ياااروحي الفديو عمل ايييه بقيتي تريند

...يانهار اسوود تريند يعني مصر كلها شافتني منك لله يا طارق حسبي الله ونعم الوكيل وكنت لسه هاتعصب عليه

اصبري بس يا عبيطه هو يعني حد عارف إنتي مييين

.....وفتح قائمة الأرباح
قبل ماتتكلمي شوووفي

....بصيت وقريت الرقم

....فضلت ساكته شويه وبعيد في الرقم لعدة مرات في بالي
وبصوت عالي مش مستوعبه

.....ايوووه هو الرقم بتعيدي في ليه مش مصدقه ولا ايييه ياسوسو هيا قناتك سووووسوووو اهي

بصيتله وأنا مبرقه
....هو إنت بتهزر صح

دي قناة تانيه علشان تقنعني أنني اكمل وأعمل الروتين دااا

....يخربيت هبلك افتحي إنتي وشوفي مش دا إنتي

....ااااه اناااااا

.....شوفي بقا المشاهدات والمتابعات كدااا

واداني الفون مسكته

الفديو إلى صورهولي وطلعت فيه بقميص النوم بروق في الشقه بقا تريند وجاب متابعين بالالاف ومشاهدات بالملايين
دخلت للأرباح إلى حققها

.....معقوله يا طارق الرقم دا صحيح

....ايووووه صحيح لعبت معانا يا مزتي مش قلتلك

....لااا أنا مش مصدقه الكلام داا

....يابنتي اعملك اييه تاني ماكل حاجه قدامك اهووو

بصي آخر الشهر لما نسحب الفلوس هتصدقي

....خلاص مش هاعمل فديوهات تاني إلا لما أشوف الأرباح دي حقيقه ولا لا وأمسك الفلوس بأيدي

....هههههههههههه ماشي يا قلبي

....ولو حقيقه هاتعملى ايه

....مش عارفه ياطارق
معقوله فديو واحد يعمل كل المبلغ داا

....ااه طبعاً ولسه شوفتي بقا

......هانشوووف

.....يااااه بقااا يانونتي هانجيب كل حاجه اتحرمنا منها

وفضل مبسوط طول اليوم وبدأت إعداد المتابعين تزيد يوم عن يوم والفديو يجيب أرباح اكتتتر ومشاهدات اكبرر

وكل يوم بننتظر الشهر يمر بفارغ الصبر وييجي الميعاد إلى هاناخد الأرباح دي وكان كل حديثنا كل يوم مرتبط بالموضوع داا
وفي ليله قالي

هانروح بكرا ياقلبي نستلم دفعة الأرباح

و الصبح لقيته ملهووف اوووي لدرجة إنه صحاني من النوم وعمرها ماحصلت كنت أنا دايما إلى بصحي قبله واتحيل عليه يصحي بالعافيه

....ايييه بتصحيني بدري ليه كدااا

....يالاااا علشان نروح المشوار إلى قلتلك عليه بليل

...ماتروح إنت وخلاص هو لازم اجي معاك

....ايوووه طبعاً لازم كل حاجه باسمك

....وماعملتهاش باسمك إنت لييه

ارتبك..هاااا

....عادي بقا ياقلبي علشان ماتفكريش إني طمعان فيكي
يالاا بقا قومي

...طيب مالسه بدري

...ياستي ياادوووبك على ماتجهزي نفسك ونجهز

....ياااه من دلوقتي دحنا الفجر يابني أهدأ واصبر شويه
دنا حاسه بفركك طول الليل الفلوس هبلاااك

....الله بقااا يا نووونه ياحبيبتي متشوق نفسي أشوف الرزم واشمها

...طيب ياخويا

قمت بعد إلحاح منه وجهزتله فطار فطرنا واخدنا البنات سيبتهم عند واحده جارتي
ومشيت معاه بكلم نفسي

ياتري الموضوع دا حقيقي ولا هايبقا نصبايه دا ممكن يتهبل فيها وأنا كمان بعد ماعملت كدا وطاوعته

بقينا ماشيين مش بنتكلم وبينتابنا حاله من اللهفه

..وكل واحد فينا بيكلم نفسه

...ااااه هاتحلووو ياض ياطارق والحلوه إلى معاك دي هاتبقا الفرخه إلى بتبيض ليك دهب

...ياتري إلى عملته دا صح ولا غلط ولو فعلاً قبضنا فلوس هاعمل اييه هاكمل ولا لااا

لحد ما وصلنا وقف طارق يكلم الموظف إنه لينا فلوس من اليوتيوب
وأول ماهزله دماغه إن لينا فلوس فعلاً
بقا مش على بعضه
حسيت إنه هايحصله حاجه من الفرح

وأول ماالموظف سحب الفلوس وادهالنا فضلنا شويه مبرقين وبنبص لبعض كانت رزم لأول مرة أشوفها

وحالتي اتبدلت 360درجه أول ماشوفتها وطارق بيعد فيها

واخدني ورحنا حطينا جزء من الفلوس في البنك

وكانت أول مره لينا ندخل بنك ونشيل فلوس المره الوحيده إلى دخلنا فيها لما جيبنا السلفه علشان نعمل عملية بنتنا

خلصنا

....نرووووح ايييه تعالى اعزمك في احسن مكان في مصر يا روووحي

وبقينا زي الجعان إلى ماكلش بقاله أيام ولقه سفره مليانه أكل
فيها مالذ وطاب منه

رحنا لكل مكان اتحرمنا ندخله في اليوم دا وكل حاجه اتحرمنا منها روحنا ليها نجيبها لدرجة إننا نسينا البنات إلى سايبنهم عند جارتنا

....الولااااد يا طاارق اتاخرنا

...ياستي هايحصلهم ايييه خلينا نشووف الدنيا

...طيب والبنات

....بكرا ناخدهم ونوريهم ونجبلهم إلى اتحرموا منه

...يااااه ياا طارق دا الفلوس دي حلووه اوووي

....مش قلتلك يا نونو وكنتي بتزعلى

...بس التمن غالى اوى يا طارق

...كل حاجه في الدنيا ليها تمن يروحي
ولا عاوزه نعيش طول عمرنا في الفقر والضنك

...لاااا بعد إلى شوفته النهارده لاااا مش عاوزه أرجع ولو لساعه واحده للذل إلى كنا عايشين فيه

وبخبث قال...يعني هاتعملي روووتين

....امممم هاعمللل

.....على فكره دي حاجه بسيطه المرات الجايه هاتكون الأرباح اكتر بكتييير

...اكتر من كداااا

... إنتي وشطارتك كل ما تعملي فديوهات حلوه هاتعملى أرباح اكتتتر
وساعتها.   قرب من ودني وهمس فيها...وساعتها نجيب بيت كبيييير ويكون عندنا عربيه ونودي بناتنا احسن مدارس

وقعد يعدلي وأنا باصه لقدام بتخيل كل إلى بيقوله ودخلت في حلم جميل وحسيت إني مرتاااحه
وفي اللحظه دي بدأ إبليس يتمكن مني وكل المبادئ إلى اتربيت عليها نسيتها

ودي كانت بداية التخلي عنها والتنازلات إلى لازم اقدمها علشان طعم الحياة الحلو إلى أتغير فجأة وبقا مختلف تماماً من الذل والفقر للعز والغني ودا كله إني اطلع بقميص نوم واوري جسمي للناس التمن غالى اووووي لكن المقابل حلوو

وكمان ساعدني على كدا زوجي إلى كان بيحاول بشتي الطرق أنه يجردني من أي شعور بتأنيب الضمير

وفي الليله دي بقيت مبسوطه وسعيده اووي خصوصاً لما لقيت بناتي فرحانين بالحاجات إلى جبناها ليهم إلى لو قعدنا مېت سنه على وضعنا القديم ماكناش جبناها ليهم
دا أسعدني ونساني المقابل إلى هاقدمه لاسعادهم

وقلت لنفسي
يااابت مانتي بقالك مېت سنه متمسكه بالعادات والتقاليد حصل إيه يعني غير الذل والفقر والحاجه إلى كنتى عايشه فيها

وبعدين جوزك سامحلك بكدا والموضوع مافهوش أي مشاكل

...ايييه بتفكري في ايييه يابنتي

...هاااا مافيش

...مبسوووطه

....اااه

....بجد إيه رأيك في الفلوس

...حلوووه اوووي

....ااااه وريحتها حلوووه
خدي شمي كدااا معايا

...يابني اتهد بقا بقالك ساعه بتعد وبتشم فيها اتهبلت ولا اييييه

....هو إلى إحنا فيه دااا مايهبلش ياروحي

....المهم هانعمل اييه

....عاوزين نكمل بقا علشان الأرباح تزيد

......مااااشي

ايييه مش هانحتفل بالليله السعيده دي ياااروحي
.
....ايوووه طبعاً لازم نحتفل

...طيب يالاااااا قومي اجهزي 
البسي حاجه حلوه وتعالى
وعدت الليله وكنت مبسوطه أوي ونسيت كل حاجه كنت بفكر فيها

وتاني يوم جهز طارق الكاميرا وأنا دخلت.....

يتبع...