رواية عنبر الأموات

عنبر_الأموات
انا دكتورة نرمين لسه منقولة جديد لمستشفى الأمراض النفسية والعصبية أو زي ما كتير من الجهلة بيقولوا
مستشفى المجانين أنا عندي 40 سنة ومتزوجة أو ماظنش انها مش هتفرق كتير في اللي عايزة أحكيه النهاردة .
زي ما بيقولوا ان انا دكتورة شاطره جدا في المجال بتاعي علشان كده قرروا ينقلوني من المستشفى بتاعتي لمستشفى جديدة وخصوصا علشان اكون في عنبر المۏت ...

أظن اني مش محتاجة احكيلوا كتير عن نفسي قد ما انا محتاجة اتكلم شوية عن عنبر المۏت .. العنبر ده سموه بالاسم ده عشان الحالات اللي اتوفقت فيه اثناء علاجها ومحدش عارف لحد دلوقتي ايه السبب والغريب أكتر الطريقة اللي بيموتوا بيها وبيدعي مدير المستشفى انهم هما اللي بينتحروا بنفس الطريقة ..
طيب هنفترض ان كلهم بيموتوا بنفس الطريقة كنوع من الجنون او الصدفة بس ليه بيكون نادر لما تلاقي چثة مريض !! ومن هنا ده دوري اني اشرف ع المرضى بنفسي واشوف ايه اللي بيحصل في المستشفى دى بالظبط ..
خلوني دلوقتي اوصفلكم شكل المستشفى والعنبر بالأخص .. المستشفى قديمة جدا مبنية تقريبا من سنين و بتتكون من دورين ودور أرضي وبدروم كبير متقسم على شكل عنابر حوالى 15 عنبر واللي طبعا من ضمنهم عنبر المۏت .. عايزة أقولكم ان الحيطان نفسها بايشة والدهان واقع والاضاءة في المستشفى كلها ضعيفة و بليل بتكون أشبه بالبيوت المسكونة .. والممرضات والعاملين كلهم ساكتين أغلب الوقت محدش بيتكلم مع حد ونظراتهم ليا بتخوفني ..
مدير المستشفى القديم ماټ من 15 سنه ويقال انه ماټ هو و الممرضات اللي معاه في عنبر المو ولحد دلوقتي مافيش اثر لچثة أي حد منهم.. 
كالعادة بيكون أول أسبوع ليك في بداية أي شغل هو احسن اسبوع اذا كان من ناحية المدير او الممرضين او العاملين في المستشفى ففي خلال الأسبوع ده كل حاجة كانت ماشية تمام ومفيش أي مشكلة غير شوية خوف من شكل المكان وقولت مع الوقت عيني هتتعود على شكله ..
المفروض ان شغلي من الساعه 10 لحد الساعه 3 وساعات بتأخر ل 4 العصر لكن كان في يوم عندنا حالة طارئة بتعاني من مرض نادر ولازم أقعد اكتر من 6 ساعات اضافية مع الحالة أو ممكن ېموت نفسه وفي نفس الوقت نسيت اعرف أي حد اني هكون في عنبر المۏت كل المدة دى 
المستشفى أساسا بتخلص شغل وبتكون فاضية تماما من كل الزوار و الدكاترة ماعدا بس الممرضين والعاملين الساعه 5 المغرب ومفيش أي فترات مسائية والعمال بيضلموا كشافات المستشفى الداخليه وبتكون الاضاءة بليل ضعيفة جدا ...
الساعة دلوقتي 9 بليل والمړيض خلاص نام وقولت هجيله الصبح وللأسف كنت بساعد نفسي لان الممرضة اللي معايا جالها ظروف في