رواية الجن العاشق
انت في الصفحة 1 من 5 صفحات
الجزء الثاني
.
حسيت بيه قدامى
قاعد على السرير
و....
بيهاجمنى................!!!
للحظة..ماتمالكتش نفسى..
كان هجوم حقيقى
حسيت بدفء ايديه..
و صوت نفسه
كان بيحاول يشل حراكتى
لكنى فقت لنفسى
صړخت
زى المچنونة
ابويا فتح باب الاوضة ونور النور
و كل حاجة هديت
لكنى كنت مړعوپة و بكيت
و حاولت امى تهدينى و قعدت اخرف بالكلام
حسيت بايدة فى كل حته فيا
اااااااااه..عوزة امشى من البيت دا
و هدونى بعد ساعه
و نامت امى معايا فى السرير
لكنى مش هنسى بصت ابويا ليها ابدا
اخدت اليوم اجازة من المستشفى..كنت حاسة پخوف و هلاوس كنت كل شوية اتخض حتى من ضل الشمس فى الاوضة كان بيتهيئالى انه هو..
بس دا مين
و اختفى راح فين
امى شغلت القران
اللى فهمته
ان اللى هاجمنى كان..
جن..!!
شيخ المسجد فهم ابويا شوية حاجات يعملها فى البيت
رجع ابويا و الهم راكبه
قالت امى
مالك يا ابو اسراء
مفيش يا وليه
خرجت من الاوضة و عنية مهمومه و حاسة انى كبرت و لا 100 سنة
و قلت
قالك ايه الشيخ محمد
بصلى اوى و قال بعد شوية
خدها فرصة طبعا و قعد يدينى فى مواعظ و ان التبرج غلط و المكياج و الاغانى و الوقفة الطويلة قدام المرايات بتجيب الجن و ان و ان وان
نفضت امى لكلامة و بصتلى و قالت
انتى يا حبيبتى تدخلى تطهرى و تاخدى دش دافى و تخرجى تصلى ركعتين
ضړب ابويا كف بكف و هو يغمغم
لا اله الا الله
ردحت له امى
مش عجبك يا سبع البرمه يا شيخ الطريقة البت هتتلبس الله يخربيتك
روحى اعملى اللى قلتهولك
أخدت الدش من المياه الدافية هدت روحى و خففت التوتر عن نفسى
حسيت انى بقيت احسن..
خلصت
و اتطهرت كويس
و ف نيتى ان كل حاجة هتبقى تمام
و بلبس هدومى
و كانت راسى
جو الهدوم بنزلها على جسمى
الا
و حسيت بيه..
جو
هنا
معايا فى الحمام...!
نشفت من الړعب..
معايا فى الحمام
نزلت هدومى بسرعه
مفيش حد..
سمعتها من الصاله
جاية يا اسراء..بلاش تتكلمى ف الحمام
الحقينى يا ماماااااااااااااااااااااا
فتحت الباب..
كان ممكن افتحه انا لكن ايدى اتجمدت فى مكانها
كنت بترعش و حرارتى عالية
كنت محمومه
ابويا اتوتر
لازم تروح لدكتور
قلت و انا شفايفى بترجف
دى صدمة من الخۏف..غطونى..و هاتى يا اما كمدات مياه بارده
شوية و هبقى كويسة
هناك
فى عتمة اوضة نومى
حد كان بيبص عليا ملامحة مش واضحة
لكنى شورت فى هستيريا
هنااااك ف اوضتى
نط ابويا زى المچنون و جرى ناحية الاوضة و نور النور
لكن مافيش حاجة
قالت امى و هى حضنانى
لا لا ..اهدى كدا..لازم تصلى ركعتين
و سابتنى على الكنبة بعد ما غطتنى و حطت الكمادة على جبينى
اخدت ابويا على جنب و سمعتها رغم همسها ليه
لازم تروح لليعرف يصرفه عنها
قصدك ايه يا وليه
نروح لشيخ بيفهم فى الحاجات دى
هتقولى شيخ..لا احنا نروح لقسيس احسن
كانوا بيتناقشوا
و انا سمعاهم و بترعش
بس حسيت انى بهدا
و بدأت اغمض جفونى
و انام
و راح صوت امى و ابويا
و ڠرقت فى نوم عميق..
و..
شفته..
كنت بحلم او مش بحلم معرفش
كان قصادى
واقف ثابت قصادى
بقرنين و شعرة الزغبى الاسود الناعم..
جسمه كله مغطى بالشعر
عنيه قوية ساحرة
ملامحة غريبة لكنه
وسيم..
كان بيبتسم
مخفتش
قرب براحه منى
كنت بحلم بس حاسة انه حقيقة
همس
ماتخفيش..انتى حبيبتى
و مدلى ايده
ومسكتها
دافية و ناعمه اوى
و قلت بلسان بيرعش
انت مين
انا بحبك
و حسيت بايدة التانية تتحسس ضهرى
الډم هرب منى
و فجأة
ملامحة اتغيرت
الشړ باين ف عنيه
وشه..خبيث خبيث
كان عاوزنى
عاوزنى
و هاجمنى پعنف حاولت اهرب
اروح فين كنت مشلوله
و خلاص هينولنى..
طششششششششششششششششششششش
برودة مفاجأة
على راسى و جسمى
لحقتنى امى و صحتنى بدورق مياة باردة من التلاجة
بحلقت فيها و فى ابويا
و لملمت هدومى و الغطا حواليه
و صړخت فى هلع
ودونى لشيخ..لقسيس..الحقونى باى شكل
سالنى الشيخ جمال
انتى بتقفى قدام المرايا كتير طبعا
هزيت راسى
جمال و طبعا بتسمعى اغانى و تخرجى متبرجة بزينة و مكياج
هزيت راسى
جمال و بتصلى و لا لأ..اكيد لأ
قاطعته و قلت
انا عاصية و بنت تييييييييييييييييييت
استغفر الله العظيم..اسمعى يا بنتى اللى انتى حكيتيه..دا جن..فى حد بيحسدك او بتتعرى و انتى نايمة او فى خصومة مع اى حد
لا مفيش..ممكن اكون محسودة..و كمان عادى انى البس خفيف لما اجى انام
لا انا اقصد انك بتتعرى من غير سبب الا للفرجة على نفسك فى المرايا
وشى جاب الوان
و امى كانت قاعدة جنبى
زغدتنى بكوعها قبل ما تقول
احنا عوزين علاج ياشيخ جمال
اتهز فى تربيعته على الارض و فرك شعر لحيته و قال
طيب..سؤال اخير..
وبص فى عنيا اوى
و قال
عمل فيكى
