قصة خېانه غير مشروعة

أنا بنت متجوزه بقالي خمس سنين وخونت زوجي ودلوقتي عايشه في چحيم
أنا اسمي هدي بنت كنت بحب الرومانسيه اوي كنت بحلم باليوم إلى هاييجي فيه الأمير إلى راكب حصان وهايشلني وراه زي الأفلام ماكانش ليا علاقات عاطفيه بسبب إني كنت من عيله محافظة أوي ومتزمته وعلشان كدا كان نفسي يجيلي شاب على مستوي طموحاتي وفيه كل المواصفات إلى بحلم بيها وبتخيلها
لحد ماجالي شاب كان وسيم واتحققت أول صفه من صفات فتي أحلامي وهي الوسامه
لكن بعد الجواز تبددت كل الطوحات والأحلام وكل حاجه
كان جامد وبارد اووي وبيعاملني پقسوه وفتور كبير في المشاعر بعيد كل البعد عن الرومانسيه

كنت لما بعمله حاجه 
يقول..ايه الهبل دااا أنا مش بتاع الكلام دااا غوري من قدامي
لحد ما بدأت حكاية الخيانه
الحكايه بدأت لما عملت حساب على الفيس بوك
ماكنتش أعرف كتير في عالم السوشيال ميديا كنت على قدي لحد ما في يوم حصل حاجه غيرت حياتي
بفتح لقيت ادد جايلي من اكونت غريب ترددت إني اقبله
في البدايه فضلت معلقاه شويه وفي يوم لقيت جوزي جاي يقولي أنا سبت الشغل
ايووه ياهدي أنا سبت الشغل
قلت ليه كدا
قال شوفت شغل تاني بس هاقعد فيه بالاسبوع
وكان زوجي في الشغل إلى سابه بيروح وييجي كل يوم
وبالفعل اشتغل في الشغل الجديد وبقا يقعد بالاسبوع
بدأت طول ليالي بعده عني بحس بالوحده خصوصا إن ولادي صغيرين
كان ييجي عليا الليل واحس بالوحده بت..قتل فيا وبتعذبني
كنت بحاول أشغل نفسي أقرأ قصص روايات
أهو أي حاجه تق تل الوحده دي
لكن بردو كنت بحس بيها وبزهق
وبالصدفه جه في طريقي روايه قريتها عجبتني
الأمر اتكرر وبدات أدور على الروايات دي لدرجة الإدمان
ودي كانت بداية المشكله إلى أنا فيها
قرائتي فيها خلت جوايا طاقه لازم أخرجها وطبعا جوزي بعيد عني ويادوبك بييجي يوم بيكون فيه تعبان ومابلحقش أعيش معاه جو القصص إلى بقيت مدمنه قرائتها ونفسي اعيش أحداثها مع حد
أنا مش ببرر في غلطتي لكن دا إلى حصل فعلا
لحد ما في ليله
فتحت طلبات المراسله
ولقيت رساله جايالي من الشخص إلى كان باعتلي ادد وفضلت معلقاه
بقولي..هاتفضلي معلقاني اقبلي الاد ارجوكي
ومابين التردد والقبول
ضغطت واقبلت الطلب

---

وفضلت منتظره من الفضول يفتح ويعرف إني قبلت الطلب
ويبعتلي
وفعلا بعدها بحوالي ساعه
لقيته فتح
وعالطول بعتلي
هاي
رديت هاي
أخيرا قبلتي الادد
إنت مين تعرفني
قال لاااا ما اعرفكيش بس حابب نتعرف ونكون اصدقاء
معرفش سكت شويه كدا
أقبل طلبه دا ولا لااا
كل العوامل تداخلت عليا إلى ذكرتها سابقا واحتياجي لشخص في حياتي خلتني أقول موافقه
بعد تحايلات منه وكلام حلو
ووعود أنه شخص محترم وابن ناس وإنه زيي بيعاني من الوحده وحابب نتبادل الفضفضه والحديث مع بعض
والسريه إلى هاتكون أساس علاقتنا
وفعلا وافقت لاحتياجي لكدا
وبقينا نتكلم كل يوم وكل لحظه
بقينا نتكلم كتير
شات الأول وبعد كدا صوت وبعد كدا فيديوا
الوحده إلى كنت بعاني
منها مابقتش موجوده في حياتي
لحد
بقلك ايه هانفضل نتكلم من ورا شاشه كتييير
اوماال نعمل ايييه
نتقابل
ايييه نتقابل!!!!
اااه عندك مشكله ولا مش واثقه فيا
وهنا كانت الضااامه الكبري
وافقت واتقابلنا
اتعلقت بيه اوووي وبدأ الاحتياج إلى جوايا
وغلطت غلطه عمري
الغلطه إلى خلته يتحول من الشخص البريء المحترم إبن الناس إلى كان دايما بيوحيللي بدا
إلى شخص تاني خاااالص
امتلكني وامتلك أمري وبقيت منساقه وراه كالعبده
وماسك عليا حاجات بيهددني بيها
لو ماجتيش ياحلووووه هافضحك وهاوري أهلك وجوزك كل حاجه
أنا دلوقتي منهاااره مش عارفه أعمل اييييه ماسك عليا حاجات بيهددني بيها أبوس إيديكم انصحوني أعمل اييه
أكمل في الطريق دا للنهايه واستسلم ليه الطريق إلى مليت منه وزهقت من المعاصي والذنوب إلى بعملها ولا أقاوم واتفضح واجلب العاړ لولادي وأهلي طول العمرانصحوووني