رواية الماضي المجهول بقلم حسن الشرقاوي

الفصل الاول.
غرام..انتي بتقولي ايه ياماما إزاي يعني أنا مش بنتك
الأم واسمها فريال..انتى بنت قلبي وأنا رضعتك وأنا إلي ربيتك وسهرت الليالي برعاكي كنتي زي الملاك لما جابك ليا
غرام..لما جابني ! إنتي بتهزري يماما أكيد صح علشان خاطري تقولي إنك بتهزري
فريال..لا يابنتي دي الحقيقه إنتي فعلا مش بنتي
غرام پصدمه..مش معقول إلي بتقوليه داا يعني كل السنين إلي فاتت دي كنت عايشه مخدوعه يعني إنتي مش أمي ومحمد أخويا إلي اتربيت معاه مش أخويا كل دا كان كدب

مين انتي طيب ومين أنا .....أنا هاتجنن
فريال..پتبكي بحرقه والدموع ماليه عنيها.. أنا عمتك ياغرام وانتي بنت أخويا بس والله العظيم ربنا يشهد إنك بنتي واحلى حاجه حصلت في حياتي وعمري ماشوفتك غير بنتي وحته من قلبي
غرام..حطت ايدها على وشها من الصدمه والذهول وبصت ليها بعيون مليانه دموع...يعني أنا مش بنتك بجد وابويا يبقا اخوكي طيب ليه بتقوليلي دا دلوقتي بعد السنين دي كلها ليه ماسبتنيش عايشه في الكذبه دي اشمعنا دلوقتي
وفين أهلي فين أمي وفين أبويا وليه سابوني
فريال... أمك ماټت وهيا بتولدك
غرام پصدمه...اييييه بتقولي ايه ماټت
فريال...اهدي يابنتي واوعدك تعرفي كل حاجه في الوقت المناسب واردفت المهم إنتي لازم تسافري برا البلد وتختفي بأسرع وقت ممكن لأن حياتك في خطړ يابنتي ودا إلي خلاني أعرفك الحقيقه دي دلوقتي
غرام... أسافر أروح فين
فريال..عند ابوكي
غرام پحده...نعم إنتي عاوزاني أروح لحد ماعرفوش حد رماني وسابني كل السنين دي وكمان ليه حياتي في خطړ! انتوا مخبيين عليا إيه تاني يا ماما قصدي ياعمتي
فريال..انتي بس لما تروحي عنده هايشرحلك كل حاجه صدقيني ياغرام ابوكي تعبان أوي وندمان ابوكي يابنتي ماكانش عاوز يسيبك وكان ڠصب عنه
غرام...يعني إيه ندمان هو الموضوع سهل كدا يرميني كل السنين دي ويتبرا مني ودلوقتي ندمان وعاوزني اروحله
لااا لااا أنا مستحيل اروحله مستحيل أنا مش لعبه بين ايديه يرميني وقت ماهو عاوز ويرجعني وقت ما هو عاوز
فريال...يابنتي صدقيني كان ڠصب عنه كان مجبور إنه يسيبك وقتها لأن حياتك كانت في خطړ ولو سابك معاه كان زمانك مېته دلوقتي
غرام..مسحت دموعها وقالت..ڠصب عنه كل السنين دي ماسالش عليا ولا مره حتي ڠصب عنه سابني عندك وأنا لسه حتة لحمه حمرا ما حاولش يسأل عني ولا مره حتي إسمه استخسره فيا وسابني اتسمى على إسم راجل تاني
والحجة إني في خطړ!!!
فريال...يابنتي أنا
غرام...بس كفايه أنا ماعرفش حد غيركم انتي أمي ومحمد أخويا انتوا كل عيلتي 
أنا أبويا إلى عرفته واتسميت على إسمه ماټ من زمان وماليش اب تاني ومش هاروح لحد إلا إذا كنتي انتي بقا مش عاوزاني
بس حياتك في خطړ فعلا ولازم تعملي إلي بقلك عليه
بعدت غرام عن حضنها وقالت
حياتي في خطړ طيييب يبقا انتى هاترميني انتى كمان
واتوجهت ناحية الباب
فريال..غرام رايحه فين وانتي في الحاله دي استني بس اشرحلك
غرام..راحت لغرفتها وطلعت برا البيت وكانت وراها فريال بتنادي عليها لكن خرجت غرام من غير ما ترد عليها كانت ماشيه ومش شايفه من الدموع إلي ماليه عنيها وصلت لكورنيش البحر وقعدت على كرسي خشبي وفضلت تبص للبحر بشرود وتفكير في كلام إلي كانت فاكره إنها أمها والصدمه ماليه كل جزء فيها
ومش قادره تستوعب إلي سمعته
................................
في مكان آخر كان في واحد بيراقبها وأول ما طلعت من البيت مشي وراها كان واقف على مقربه منها وطلع تليفونه إلي كان بيرن وهو بيراقبها
...الووو أيوه ياريس 
...ايه الأخبار 
..كله تمام أنا واقف وهيا قاعده قدامي أهي
...طيب كويس اعمل كل إلي قلتلك عليه وإياك تغلط فاهم
... أمرك ياريس ماتقلقش خالص وحط في بطنك بطيخه صيفي
...بس اوعي تإذيها فاهم تجبهالي من غير خدش فيها
...تحت أمرك اعتبرها بقت عندك
غرام..مسحت دموعها لما سمعت رنة تليفوها
محمد...غرام انتي فييين
غرام...محمد لو متصل عليا علشان الموضوع إلي أمك قالتلي عليه أحب اقللك ماتعذبش نفسك لأني مستحيل أوافق
محمد...اهدي بس يا حبيبتي عرفيني انتي فين بس أنا عاوزك أنا اخوكي ياغرام إلي مستحيل يسلم لحاجه غير كدا
غرام...لا يامحمد مخلاص كل حاجه ظهرت وعرفت كل حاجه إنت مش أخويا إنت إبن عمتي
وبدموع اردفت يااااه حتي انت يامحمد كنت بتكدب