صديقتي

صداقتي
قصه وعبره لكل فتاه تقول صاحبه القصه انا بكتب لكم حكايتي وانا مڼهارة بجد ولحد دلوقتي مش مستوعبه اللي حصلي انا داليا. عمري ٢١ سنة عايشة مع اخويا الكبير والدي ووالدتي متوفيين ومليش حد غير اخويا محمد بابا كان
وحيد وملوش اخوات كان محمد بيحبني جدا وبيخاف عليا مكانش مخليني محتاجة حاجة كل حاجه بيجبهالي وفي يوم من الايام جه وقالي داليا انا قررت اتجوز فرحتله جدا وقولتله ياريت ياحبيبي انا نفسي افرح بيك واشوف ولادك قالي طيب وانتي مش هتجوزي قولتله انا مش هتجوز غير

لما اخلص جامعة لقيته بيقولي انا عايز اتجوز هنا في هنا في الشقه وانتي عارفه ان بابا مسبليناش غير الشقة دي قولتله طيب فيها ايه متجوز فيها وانا هسكن في سكن الجامعة واجي ازوركو كل أسبوع لحد ما شهر العسل يخلص قالي ماشي المهم اتفقنا انا ومحمد وجه اليوم اللي هيتقدم فيه لأهل البنت وقالي تعالي معايا شوفيها هتعجبك خالص قولتله ماشي ربنا يسعدكو ويجعلها من نصيبك
روحنا انا ومحمد لبيت اهلها وقعدنا معاهم وابوها وامها رحبو بينا جدا وباين عليهم كانو عارفين اننا جايين واتعشينا عندهم وقعدنا كتير والعروسة لسة مطلعتش انا استغربت جدا ازاي نقعد دا كله وهي متطلعش محمد اتكلم معاهم في موضوع الخطوبة والغريب انهم وافقو علطول من غير اي
شروط قرينا الفتحة واتفقنا الخطوبة تكون الخميس الجاي
محمد سألهم علي العروسة ردت ام العروسة وقالت هروح اشوفها اكيد مكسوفة دخلت امها تجيبها من جوا
وطلعت هي والعروسة واول ما شوفتها انا اټصدمت صدمة
من الي شفته ....
الجزء التاني 
دخلت ام العروسة تجيب العروسة
طلعت العروسة وامها واول ماشفتها
اټصدمت صدمة عمري معقول تكون هيا لا مستحيل
مكونتش مصدقة نفسي من الصدمة فقدت الوعي
بعدها بفترة صحيت لقيت نفسي في بيتنا قولت اكيد كان حلم وصحيت منه لقيت محمد دخل اوضتي بيقولي
داليا انتي كويسه ايه اللي حصلك قولتله لا مفيش حاجة انا بس مرهقة شوية قالي طيب ارتاحي علشان هنروح السوق نجيب حجات الخطوبة يعني مكانش حلم وفعلا حصل انا ارتبكت وقولتله محمد انت اتعرفت على البنت دي ازاي وشوفتها فين وتعرفو بعض من امتي قالي انا اتعرفت عليها عن طريق الفيس بوك من ٦شهور تقريبا وبعدين اتقابلنا وعجبتني وقررت اخطبها بس مش اكتر ساعتها فكرت ازاي محمد يتعرف على بنت من الفيس ومسألش عنها ولا عن تاريخها قولتله طيب ممكن تديني الاكونت بتاعها عايزة اتعرف عليها علشان تاخد عليا ونبقي أصحاب قالي ماشي هبعتلك لينك صفحتها وسابني
وقالي الوقت اتأخر انا هنام دلوقتي وانتي ارتاحي
خرج محمد من اوضتي وانا مقدرتش انام الليله دي من كتر التفكير معقول هيا لا اكيد واحدة شبهها بس ازاي ونفس الوحمة اللي ايديها انا هتجنن