وانا فاتح الفيسبوك

قصة حقيقية...
وأنا فاتحة الفيس بوك لقيت جوزي باعتلي أدد على حسابي اللي أصلا أنا عاملاه بأسم مستعار غير اسمي الحقيقي
قبلت الاضافة واصبح زوجي حبيبي هو صديقي قام أبو الشباب قعد يتكلم معي عالخاص
وانا بيني و بين نفسي بقول أنت وقعت ولا الهوى رماك
تعالى يا حلو وعامل فيها مشغول على اللاب توب طول الليل
جت فرصتي لحد عندي أني أخد حقي

وبدأ يتعرف ويدحلب ويتكلم ويحكي هزر وانا هزرت زوجي بقى وبراحتى
غازلني اتقبلت غزله كل يوم يبعتلي نكت و صور وقلوووب ويفتح مواضيع وحكايات معايا
وطبعا هو مفكرني نايمة أدخل عليه بتعمل ايه يا حبيبي طبعا بشتغل يا روحي عندى شغل كتير أوى
بدأت أعمل نفسي مشغولة بالمطبخ أكتر الوقت و هو ممنون طبعا من انشغالي و أدخل اكلمه من جوه من المطبخ
وهوا عايش اللحظه وكل يوم نكت و فرفشة و غزل و كلام ناعم عالفيس هههههههههههه
وفى البيت منكد عيشتي و مطلع عيني و ضارب بوز وعلى الفيس ناااااعم ولذوووووذ أوى ومشاعر عالية
بعد ما تم التعارف وانا مسهله له كل الطرق جوزي بقاااا ولازم اخد راحتي بقا.
وتعرفنا وطلب يشوف صورتي
قمت قلتلو أوى أوى عنيا حبيبي و رحت بعتالوا صورة لبنت من النت مزة جامدة طار عقله واتهبل زى المچنون مع أنى في الحقيقة والله حلوة وجميلة بشهادة الجميع بس تقولوا إيه طفس
و أنا بيني و بين نفسي عماله أغلى بس قاومت و كملت
سألني أنت مرتبطة قلتله لا يا حبيبي طبعا انت خلاص بقيت دنيتى وحياتى وثبته تثبيت السنين
قال طيب تتجوزيني يا لهوى طب أنا اجيلك من المطبخ دلوقتى اعمل معاك الجولاشة بس 
قلت لا بكره ټندم يا جميل.
قلتله بس أنت متجوز !!! وهتعمل ده ازاي وزوجتك أكيد هتزعل
والمفاجأة
قال بالله ما تجيبي سيريتها هي واحدة مقرفة نكدية وريحتها بصل ههههههه شوفوا الراجل أنا ريحتي بصل كداب كدب الابل
قلتلوا ماشي بس ان هفكر كتير بدأت أشتغله
هتيجي تخطبنى من بابا وعاوزه طقم دهب النوع الفلاني غالي جدا جدا
طبعا قلت هيهمد ويدخل ينام بقى ويهدي المفأجأة قال حاضر
خلاص بقيت عيونه