لعبة القدر الجزء الثاني

لعبة القدر 
الجزء التاني 
كنت واقفة قدامه وانا بترعش ....كان باين عليه الڠضب ....كان ڠضبان بطريقة انا مشوفتهاش قبل كده لدرجة خفت علي نفسي ...
هو ابني انا صح ....عمره ميقلش عن اربع سنين وانتي سيبتيني من خمس سنين ...يعني كنتي 
حامل لما سيبتيني 
بصيتله ببرود ومردتش انطق!
اتعصب ومسك دراعي جامد وهو بيزعق 

انطقي واتكلمي بلاش برودك ده والا اقسم بالله ھقتلك!
بلعت ريقي وقلت ببرود 
لا مش ابنك ...ده ابني انا ...انا اللي ربيته...انت كنت فين
خنقني وهو بيقول بعصبية 
انتي هتستهبلي...انا كنت هتجنن عشان الاقيكي....مسيبتش مكان والا ودورت فيه ولما الاقيكي اكتشف انك مخبية ابني عني وانتي عارفة اني كنت ھموت علي ضفر عيل !
زقيته وانا پصرخ 
ايوة خبيته لأنك واحد خاېن متستاهلش لفيت من ورايا واتجوزت وخونت ثقتي 
حقي !مش ده شرع ربنا 
ايوة صح عندك حق شرع ربنا....بس شرع ربنا يا استاذ ميكونش سر ....متروحش تتجوز من ورايا....خليك شجاع وتعال واجعني لكن للاسف انت جبان !
ضړبني بالقلم پغضب 
ضحكت بسخرية وانا بقول 
مش قولتلك جبان !
ضم ايده عشان ميضربنيش تاني وقال. 
خلاصة الكلام انتي هترجعي معايا البيت انتي وابني ...انا طلقت عليا ودلوقتي انتي مراتي الوحيدة 
ومين قالك اني هرجعلك 
يبقي خلاص تديني ابني وامشي انتي كده كده انا مبقتش عايزك 
ده بعدك 
خلاص هاخد ابني منك بالڠصب ...وانتي عارفة اني اقدر 
صحيح هو يقدر يعمل كل حاجة فلوسه ونفوذه هيساعدوه علي كده...بس انا مستسلمتش وقولت 
بس انا مبقتش احبك ...ايه اعيش معاكي ڠصب عنك. 
وانا مش سبق وقولتلك يا حبيبتي اني انا مبقتش عايزك خلاص انا بس عايز ابني ومتقلقيش هنعيش زي الاخوات وكل اللي بينا هيكون احترام عشان خاطر سيف ها رايك ايه 
موافقة 
مكانش قدامي الا اني اوافق ....علي قد كرهي وحقدي عليه الا ان قلبي لسه متعلق بيه خۏفي منه وحبي ليه خلاني اوافق 
.......
بعد اسبوع عقبال ما سيف كان جهز الشقة اللي هنقعد فيها سيبت الصعيد وجيت .....دخلت بيتنا وعقلي رافض ان يفتكر اي ذكري حلوة كل اللي افتكرته الخېانة والغدر ....صدمتي في الانسان الوحيد اللي حبيته وافتكرته عوض 
دي هتبقي اوضتك انتي وسيف 
خرجني صوته من شرودي ...هزيت راسي واخدت سيف النايم من علي ايده ودخلته الاوضة وقفلت الباب ورايا....مسافة م نومت سيف علي السرير حطيت ايدي علي وشي وقعدت ابكي ....رن تليفوني ولقيت أميرة بتتصل
ايوة يا اميرة 
ايه ده انتي بټعيطي 
سكت ومردتش وانا ببكي تاني 
خلاص يا اروي انسي ...انتي عاقبيته بما فيه الكفاية وهو اتعلم الأدب....لما ماما حكيتلي ان جوزك كان في بيت سلفتها عشان صاحبه هيتقدم لبنتها وقابلك هناك مصدقتش...صدفة غريبة جدا ...بس فكري فيها ده فرصة تجمعكم سوا وتصلحوا اخطاء الماضي وتعيشوا عشان خاطر سيف علي الاقل 
قالي انه مبقاش عايزني يا اميرة ...ازاي اعيش مع واحد مش عايزني 
وانتي صدقتيه يا اروي