الخطيئه
انت في الصفحة 1 من 7 صفحات
قصة الخطيئه
الفصل الاول ...
_أنا حامل.
حامل من مين ياروميساء?
كنت بقولها بفرحة كبيرة جدا والبسمة علي وشي من الودن للودن أنا حامل من أكتر شخص بحبه في حياتي بس رده صدمني وضحكتي تلاشت.
_قصدك اي يامراد?
قولتها پصدمة..يعني اي حامل من مين اكيد بيهزر يعني اكيد مش بيتكلم بجد.
_بلاش الهزار التقيل دا يامراد قولتلك مش بحب الهزار دا
_يعني اي حامل من مين في واحد يسأل مراته اللي بتقوله انها حامل يقولها حامل من مين????
كان فاض بيا وقولت كلامي بزعيق وبصوت عالي.
صوتك ميعلاش في بيتي إنتي واحدة رخيصة
_مراد إنت بتقول اي وبتقول كدا ليه اصلا
قولتها وانا الدموع ف عيني وكنت خلاص مش قادرة مبكيش انا مش مصدقة الكلام اللي بيقوله دا مراد حب عمرى 6 سنين حب قبل الجواز وبقالنا سنتين متجوزين مستنيين اللحظة دي من بدري ولما جات يعمل كدا!!
_إزاااي يعني مبتخلفش ازاااي ولما عملنا التحليل كنا احنا الاتنين سلاام
لأ العيب كان عندي وانا مبخلفش وخبيت عليكي عشان متعايرنيش ب دا ومحدش من أهلي يعرف..تقدري تقوليلي بقي دلوقتي حامل من مين?
_إنت أكيد مچنون بجد يعني اي حامل من مين بطل تقولها كل شوية هيكون من مين يعني إنت عندك شك ولو واحد فالمية إني بخوونك!?
مستنتش يتكلم تاني روحت ضړبته بالقلم وانا بعيط مفيش واحدة ست ابدا هتسمع الكلام دا علي نفسها وتسكت حتي لو من اكتر حد بتحبه وهيفيد ب إي الحب وهو بيقول عليا كدا.
دانتي نهار ابوكي إسود بتمدي ايدك عليا يارخيصة ورحمة ابويا لأوريكي
مسكني من شعري جامد وبيجرني وراه لباب الشقه وانا ببكي وبترجاه يسيب شعري عشان الۏجع رهيب رماني برا البيت بمنتهي القسۏة و ولا كإن كان في بيننا حب او عشرة.
وبعدين سابني وقفل الباب نزلت الشارع وانا ببكي ومش عارفة هعمل اي حب سنين اختفي ف ثانيه عشان وهم في دماغه فضلت اتمشي وخبطت في واحد وانا مش شايفة من الدموع ف أتأسفتله ومشيت..وصلت بيت أهلي واول ما والدتي فتحت الباب اترميت في حضنها وفضلت أبكي.
_طلقني يماما مراد طلقني وشاكك فيا
إي اللي إنتي بتقوليه دا يا روميساء احكيلي يابنتي اي اللي حصل
قعدت حكيت لماما كل حاجة حصلت من ساعة ماقولتله إني حامل لحد ماخبطت علي باب بيت أهلي كانت بصالي وساكتة وبعدين أتكلمت.
إنتي أكيد معملتيش حاجة غلط ياروميساء صح?
_إي يماما إنتي كمان هتشكي فيا ولا اي هتشكي ف بنتك تربيتك??
لا يابنتي والله مش قصدي بس ازاي بيقول ان التحاليل بتقول انه عقيم وانتي حامل.
بصيلتها پصدمه اكتر وسيبتها وقومت دخلت اوضتي ماهو انا برضوا زيي زيها مش فاهمة حاجة بس هي امي اللي ربتني دا كان اخر رد اتوقعه منها فضلت نايمة علي السرير بعيط وبفتكر كل حاجه بيننا وازاي جاله قلب يعمل فيا كدا او يتهمني الإتهام البشع دا شوية وسمعت صوت الباب بتاع الشقة بيخبط وماما فتحت وسمعت صوت بابا داخل بيزعق وبيناديني.
هي فييين الخاطية اللي شوهت سمعتنا جوزها كلمني وقالي انها بټخونه وحامل من حد غيره ولما زعقتله ومصدقتهوش جابلي التحاليل اللي بتثبت إنه عقيم
_إستهدي بالله بس اكيد في حاجة غلط بنتنا متعملش كدا
وأهي عملت وحطت راسنا في الطين
قال جملته وانا سامعه كل دا ف اوضتي وخاېفة ومصډومة وبعيط سمعت صوت باب اوضتي بيتفتح ودخل منه والدي وجابني من شعري وفضل يضرب فيا ولما تعب وقف وقال.
اللي ف بطنك إبن الحړام دا لازم ينزل وتقوليلي مين اللي غلطتي معاه عشان وديني لأوريه الويل
_حرام عليكم يبابا أنا معملتش حاجة مراد هو ابوه إنتوا ازاي كلكم مش مصدقني دانتوا أهلي وسندي اللي المفروض تكونوا عارفين أنا علي اي كويس.
قولت جملتي وانا ببكي وببصله يمكن قلبه يحن ويتراجع عن فكرة اني انزل
