رواية خطيئة العشق

عقلي حاطط سيناريوهات كتير للي هتقوله ...رغم اني واثقة اني بريئة بس خاېفة ...خاېفة اوووي ...الدكتورة قربت مني وابتسمت ...طمنتني خالص وبدأت تكشف عليا ...
اخيرا خلصت وقومت قعدت جمب أسامة...كنت مستنياها تتكلم بصتلي وقالت
يا بنتي انتي لسه عذراء متلمستيش وكمان لا حامل ولا حاجة مين الغبي اللي قالك كده!!!
ايه 
قولتها پصدمة فقالت
يا بنتي بقولك انتي مش حامل وكمان لسه بنت !!!
الفص الرابع ....  
ازاي دكتور يغلط غلط زي كده يا اسامة ...ده ضيعني يا اسامة ...
بصلي أسامة وقال
لا يا روفيدة ..ده مش غلط ده كان قاصد يشوه صورتك ...حد قاصد يبوظ حياتك ...
بصيت لأسامة وانا ببكي وقولت 
بس مين ...مين يا اسامة يجيله قلب يبوظ جوازي وحياتي ...مين بيكرهني بالشكل ده يا تري ...أنا مش فاهمة ...
انا شاكك في حد ..
مين !!
قولتها بسرعة ...
بصلي أسامة بتوتر وقال
يفضل مقولش وزي ما قولتلك شاكك مش متاكد مين اللي عمل كده ...
فجأة خطړ علي بالي حد ...حد ليه مصلحة في كده واظن أن أسامة كمان بيتكلم عن نفس الحد ده ...بصتله وقولت
والحد ده يبقي حماتي صح ...
معرفش يا روفيدة  ..أنا مش حابب اظلمها ...بس انا فاكر إن كان فيه مشاكل بينكم ...
بصيت لأسامة بتفكير ...افتكرت كل اللي حماتي عملته معايا ...دي كانت عايزة تبوظ الجواز بأي شكل من الأشكال ...عملت معايا خناقات كتير ...كانت پتكرهني من غير سبب ...لحد ما في يوم عرفت من نزار أنها كانت عايزة تجوزه رحمة بنت اخوها ...عشان كده مكانتش طايقاني.  ...حاولت كتير اقرب منها وتخليها تحبني ...حاولت تخليها تغير وجهة نظرها عني بس فشلت ...كانت مش طايقاني وقالتها في وشي انها مش راضية عن نزار لانه هيتجوزني ...بدات اتاكد أنها اللي عملت كده ...هي الوحيدة اللي هتستفاد أنها تدمر حياتي بالشكل ده ...
لسه همشي ...أسامة مسك أيدي وقال 
استني رايحة فين !
رايحة ارمي الملف اللي هيثبت براءتي في وش نزار واقوله علي اللي عملته أمه ...هوريه الوش الحقيقي ليها ...دي شيطانة يا اسامة
مسك أسامة أيدي وقال
بطلي جنان يا روفيدة .. قولتلك مش متأكد ...مش هنظلم الست وخلاص ...
بس أنا متأكدة ...
معندناش دليل 
زقيته وانا بقول پغضب 
مش مهم أنا هقوله صدق ماشي ومصدقش أن شالله عنه ما صدق يا اسامة كده كده انا مبقتش عايزاه ...
وبعدين سبت أسامة ومشيت وهو بينده عليا ...كنت ڠضبانة اووي حاسة أن بركان بينفجر جوايا  ...أنا معملتش حاجة وحشة معاها عشان تدمرني بالشكل ده .. 
وقفت قدام بيتها وانا بتنفس بصعوبة ...كنت ماسكة الملف يإيدي.  .خبطت جامد لحد ما هي فتحتلي.   من غير كلام رميت الملف في وشها وانا بزعق
عملتيها يا مروة وبوظتي حياتي ...
زقيتها ودخلت بيتها ولسه هتكلم ...جه نزار بسرعة ومسك