لعڼة الساحر بقلم الكاتب حسن الشرقاوي
وعن اهلي
..المهم الاوضة اللي كنت انا قاعد فيها كان معايا فيها تامر وعبد العزيز في الليلة الاولي كان الوضع طبيعي ومحصلش حاجة نمنا وصحينا الصبح روحنا الجامعة
ولما خلصنا رجعنا اتغدينا وخلص يومنا عادي خالص
في اليوم التالي بقي بدأت حاجات وأحداث غريبة تحصل مثلا
أبقي حاطط الفون ع الكنبة واجي ادور مالقاهوش واطلع برا وارجع ألاقيه ف مكانه ولا كأن حد حركه .. وندور ع كباية نشرب فيها شاي منلاقيش مع ان كل واحد فينا جايب معاه كباية ..وبالصدفة نرجع نلاقي كبايات في مكانها وحاجات تختفي وحاجات تظهر لوحدها .. وانا بدأت اقلق اكتر لما الأمور دي بدأت تزيد بدون تفسير واحساسي بعدم الأرتياح يزييد
خرجت انا وعبد العزيز وفضل تامر ف الاوضة لوحده لأنه كان بيتكلم ف التليفون عرضنا عليه انه يجي معانا بس هو رفض وقال هستناكم هنا
المهم لبسنا ونزلنا نجيب العشا ولما رجعنا
لقينا تامر مرمي على الأرض فاقد للوعي ولما فوقناه كان بيبصلنا وهو مبرق وكان مرتبك وخاېف ولما سألناه على السبب سكت وماكنش بيتكلم
وجه أهله أخدوه بعد ما عرفناهم لكن كلنا مكناش نعرف إيه هو السبب لدخوله في الحالة دي خصوصا إنه مكانش بيتكلم وفقد النطق ورجع البلد مع أهله لإكمال علاجه
نزل عبد العزيز البلد لقضاء حاجه مهمه وتركني لوحدي في الليله دي
وبليل سمعت أصوات غريبة ولما قومت أشوف في إيه لاحظت بقع سودا ف الحيطة اللي تحت شباك المنور البقع دي كانت كبيرة وغريبة و اللي خلاني مركز معاها انها مكنتش موجودة اول ما أخدنا السكن قومت ابص ع البقع دي وانا برتعش وخاېف .. وقفت قدام البقع ولسة بحط ايدي عليها وبدون سابق انذار .. الكهربا اتقطعت في البيت كله انا قلبي اتقبض من الخۏف ورجعت لورا عند السرير علشان اجيب التليفون إلي كان لسه في ايدي على السرير عشان اشغل الفلاش انور بيه لقيت الفون اختفي وملاقتهوش بدأت اترعش ف عز الضلمة وضربات قلبي تتسارع بشده كنت سامعها وبدأت احس بأنفاس معاية ف الاوضة وسامع صوت همس قدامي وخطوات بتقترب مني لكني مش شايف من الظلام.. بدأت ساعتها اخد نفسي بصعوبة وحسيت بسخونية رهيبة ف جسمي كله كنت عايز ازعق لكن صوتي مش طالع ..عايز اتحرك واخرج برا الاوضة مش قادر حاسس بتقل فظييع في رجلي بس لاقيت ولاعة ف جيبي !!! المشكلة
