دخلت شقتي لقيت
يرحمه..
ساب وليد الاكل وقالها
والله طيب ياريت تقللي كلام مع البنت دي ويستحسن ما تخليهاش تيجي هنا تاني ولا تاخدي منها حاجه..
ساره
ليه كده دي باين عليها بنت محترمه اووي وطيبه وبعدين انا ما صدقت الاقي حد يكلمني واتكلم معاه بدل ما انا قاعده لوحدي وسط اربع حطان..
وليد پحده
هو انا يعني مش مالي عينك يا هانم ما تتنيلي تتكلمي معايا كنت قصرت معاكي في ايه...
بس انا مش قصدي كده انت بتكون في الشغل وسعات بتسيبني وتنزل مع صحابك وبترجع بعد نص الليل وكل ده انا بكون لوحدي..
وليد بعصبيه
هو انتي ما بتسمعيش الكلام ليه طيب اللي قولته يتسمع يا ساره ومش عايز كلام تاني في الموضوع ده..
قامت ساره وهي بټعيط وقالت
طيب يا وليد اللي انت عايزه انا هعمله بعد اذنك انا داخله انام..
غوري ده انتي وليه بومه وتجيب الهم ايه القرف ده..
_ وتاني يوم بعد ما وليد راح الشغل باب شقة ساره خبط راحت وفتحت ولقيت دينا اللي كانت واقفه مبتسمه وقالت..
دينا
ممكن ادخل اقعد معاكي شويه..
اتوترت ساره وقالت
انا اا ايوه طبعا اتقضلي ادخلي..
_ودخلت دينا وقعدو مع بعض يتكلمو والوقت خدهم ورجع وليد واول ما دخل البيت قامت دينا وقالت..
وليد عامل ايه وايه اخبارك بقالي كتير ما شوفتكش..
وليد
كويس الحمد لله بعد اذنكم انا داخل جوه..
وسابهم ودخل وقالت دينا
انا همشي بقي يا ساره عشان تشوفي جوزك ولينا كلام تاني وقعده تاني ان شاء الله بس المره الجايه هتكون في شقتي..
ساره بقلق
ايوه ان شاء الله يا دينا مع السلامه..
مشيت دينا وطلع وليد وهو متعصب وقال
ساره
ابوس ايدك اهدي ووطي صوتك لتسمعك وانا هفهمك كل حاجه...
وليد بعصبيه
هتفهميني ايه يا ست ساره انا قولتلك الست دي ما تجيش هنا وانتي جبتيها معناه ايه ده غير انك مش عملالي قيمه لا ليا ولا لكلامي..
ساره
والله العظيم ما حصل انت قيمتك فوق راسي يا حبيبي بس كل الحكايه انا اتكسفت اقولها لا ما تدخليش بس شويه شويه وانا هخليها ما تجيش هنا تاني..عشان خاطري بس انت ما تزعلش مني...
ماشي يا ست ساره اما نشوف اخرتها معاكي ايه..
_وبالليل كانت ساره نايمه وقام وليد من جنبيها وهي بيتسحب ورااح طلع بره الشقه وراح عند شقة دينا خبط علي الباب وهي فتحتله وقالت..
دينا
انت تاني يا وليد ده انا فكرت انك بما هتتجوز هتنساني..
وليد
بقولك ايه انا مراتي دي بنت ناس ومحترمه وانا بحبها فابعدي عنها احسن..
طيب انت واقف كده ليه علي الباب تعالي ادخل جوه نتكلم..
وليد
لا بينا كلام ولا وسلام واللي حصل بينا زمان تنسيه..
دينا
لا مش هنسااه انت ليا اما وبس يا وليد ويا تيجي تدخل يا هقول لمراتك علي انك حتي لما كان جوزي عايش كنت بتغفله وتيجي عندي وبيحصل..
وليد
اسكتي خالص انتي ايه ما عندكيش اي احساس انا غلطت وندمت وروحت اتجوزت عشان احمي نفسي من المعصيه وبدعي ربنا يسامحني.
دينا
هو انت هتعملي فيها شيخ لا بقولك ايه انا ما صدقت ان جوزي الراجل العجوز اللي اكبر من ابويا اتكل علي الله الله يرحمه واروح اخد الورث بتاعه من البلد ارجع الاقيك اتجوزت..
وليد
انتي عايزه ايه مني دلوقتي يعني..
دينا قربت منه
تتجوزني حتي لو في السر بس انا عايزاك جنبي علي طول..
وليد بحزن
بس ساره ما تستاهلش اني اتجوز عليها..
دينا
خلاص بشوقك يا حبيبي انا هروحلها واقولها علي كل اللي كان بينا بالتفصيل..
وليد
هفكر واقولك بس
