صاحب زوجي
بتعلق بيه اكتر وأكتر وكان بيجي عند حماتي بحجة ان عماد مش موجود وبيطمن علينا
ودخل شقه حماتي وقالها
رؤوف
ازيك ياخالتي ام عماد لو عايزين اي حاجة اطلبيها مني علطول انا تحت أمركم انتي والانسة ناهد
ام عماد
متشكرين يارؤوف يابني والله عماد لو كان ليه اخ مكنش هيبقا زيك كده وفي جدعنتك دي
رؤوف
يا خالتي ام عماد انتي متعرفيش انا بحب عماد اد ايه ربنا اللي يعلم والله غلاوته في قلبي
ربنا يخليكم لبعض يارب يارؤوف
رؤوف
بصي ياخالتي ام عماد بصراحة انا كنت جايلك النهارده عشان موضوع كده هو انا عارف اني لازم اتكلم الأول مع راجل البيت بس انا بقول انت ست الكل هنا وبرضو اشوف رايك فيا ايه
ام عماد
رؤوف خير ياعماد يابني اؤمرني
رؤوف
الأمر لله وحده بصراحة انا جيالك وطالب ايد الانسة ناهد بصراحة مش هلاقي في ادبها ولا اخلاقها مشاء الله عليها تربية عالية ربنا يحفظها يارب
بس انت عارف ياعماد موضوع زي ده لازم تكلم اخوها الكبير فيه
رؤوف
طبعا ياحجة منا مستني عماد يرجع بالسلامة ان شاء الله واطلب ايديها منه رسمي بس انا عايزك تاخدي رايها وتديني كلمة لحد عماد ما يرجع
ام عماد
هو بصراحة يارؤوف يابني انا لو لفيت الدنيا مش هلاقي عريس لبنتي زيك راجل وهتصونها وتحافظ عليها
رؤوف
والله هحطها في عنيا واقفل عليها
خلاص يابني نستنى لما عماد يرجع بالسلامة ونشوف راية ايه
وحماتي قالت لناهد اللي كانت معترضة على رؤوف وناهد مش موافقه عليه لكن امها فضلت تقنع فيها بس كانو مخبين عليا الموضوع ده وبعدها بكام يوم رجع عماد من السفر ودخل عند امه وقالتله
ام عماد
ها قولت ايه ياعماد انا شايفه انه عريس كويس لاختك وانت بتحبه زي اخوك وبتقول عليه جدع وراجل
هو بصراحة يا أمي رؤوف مفيش زيه راجل وجدع وصاحب صاحبة بس نشوف رأي ناهد ايه الأول مش يمكن يكون ليها رأي تاني ياناهد ياناهد
ناهد
نعم ياعماد بتنادي عليا
عماد
اه ياحبيبتي كنت عايزة اسالك ايه رايك في رؤوف صاحبي اصل طلب ايديك مني
ناهد
ماما قالتلي ياعماد وانا بصراحة مش موافقه عليه هو بصراحة يعنى شكله مقبول لكن حاسه اني مش بحبه
هو انتي هتتجوزي عشان شكله ياناهد الراجل جدع وعمره ماقصر معانا وشاريكي انا هسيبك كام يوم تفكري فيه وتردي عليا عشان ادي كلمة للراجل ماشي
ناهد
حاضر ياعماد
وطلع عماد الشقه واعد على السفره هو وليلى وانا كنت بحط الاكل
عماد
وحشتني يا لولا اوي
ليلى
انت كمان يابا
كوثر
مقولتليش ياعماد انت اتاخرت تحت عند امك ليه في حاجة ولا ايه حاسه ان انك كانت عايزك في موضوع مهم لأنها كل شويه كانت بتسال
عماد
ابدا ياستي اصل رؤوف طلب مني ايد ناهد اختي وكنت اعد بقنعها توافق عليه
وفي الوقت ده وانا خارجة من المطبخ الطبق وقع من ايدي ادشش مېت حته
عماد
مش تاخدي بالك ياكوثر براحة ياحبيبتي اعدي وانا هنضفة انا ولا يهمك ياحبيبتي
كوثر
معلش الطبق وقع من ايدي ڠصب عني ياعماد بقولك ايه انا انا هدخل اوضتي لحسن حاسه بدوخة
عماد
مش هتاكلني معانا ولا اي
كوثر
لا كل انت وليلى وانا شوية كده وهاكل
وساعتها دخلت اوضتي وفضلت ارن على رؤوف عشان افهم منه هو ايه اللي هو عمل ده وبعد كذا مره اخيرا رد عليا
رؤوف
الووو في ايه ياكوثر نازله رن رن مش فاهم في ايه وبعدين انا اصلا دلوقتي انا مشغول ومعايا ناس مش عارف ارد عليكي
كوثر
مش فاهم في ايه يارؤوف
دنا هخلي
ليلتك مش معدية بقا انت رايح تطلب
ايد المفعوصة اللي اسمها ناهد
