ڤضيحة أم

حياة
حياة صباح النور يا محمود
محمود عامله ايه مع قرايبك
حياة لسه معرفش عنهم حاجه
هى شهد فين
فتجد من يقول انا اهوه يا حبيبتى فتقبلها حياة
شهد ياللا بينا
محمود حياة خللى بالك من نفسك واوعى حاجه تاثر على مستقبلك انتى فاهمه
حياة فاهمه يامحمود
يتركهم محمود ويمشي بينما تتحدث حياة وشهد حتى يصلون الى المعهد
فى البيت

عادل هو ده الاتفاق اللى اتفقنا عليه
عزه ياربي على مخك مينفعش انفذ اللى قلتلك عليه على طول كده مش لما نثبت اقدامنا هنا الاول وبعد كده نعمل فيها اللى عاوزينه
عادل طب ولو رجعت من برة وقالت عاوزة فلوس حتعملى ايه
عزة ملكش دعوة انت تسكت وتقفل بؤك ده وتسيبنى انا اللى اتصرف
عادل حاضر
بقولك ايه ماتيجى ندخل جوة اقولك كلمتين بصراحه الشقه هنا تفتح النفس للدنيا
عزة ده احنا حنقول احلى كلام
بس مش دلوقتى انا لازم انزل عندى شغل ولما ارجع حوريك الشغل اللى على اصوله
فى وسط النهار
خديجه مبتكليش ليه ياحياة
حياة مليش نفس والله ياطنط
احنا اتفقنا على ايه مش قلنا ننتبه لنفسنا عشان لما عفاف ترجع
الى هنا لم تستطع حياة السيطرة على نفسها فلقد بكت بكاء شديد
حتى ان شهد بكت هى الاخرى فقامت خديجة باحتضانها
حترجع ان شاء الله ياحبيبتي حترجع
حياة يارب يارب ياطنط انا مش عارفه ازاى يومى حيكمل من
غيرها
انا مش عارفه ايه اللى حصل ولا فاهمه حاجه احنا كنا مع
بعض فجاة راحت منى فى غمضة عين
انا بقول يارب يكون كل ده كابوس وحفوق منه
تفتكرى حترجع طب هى فين راحت فين جرالها ايه
خاېفه يكون حصلها زى عمى ماقاللى لالا انا حاسه انهاعايشه
خديجة اهدى ياحبيبتي اهدى ان شاء الله حترجع
يدخل محمود فيرى هذا المشهد
فيتوجه بالكلام لحياة
حياة احنا قلنا ايه
انا اتعودت اشوفك قويه مش ضعيفه كده
حياة انا كنت قويه بيها يامحمود لكن
محمود مالكنش ياللا قومى ذاكري مع صاحبتك شويه وبعد كده انا حوصلك للبيت
حياة ربنا يخليك يا رب
فى المساء
حياة تفتح الباب وتدخل لتجد عزة وعادل يجلسون يشاهدون احد الافلام
حياة مساء الخير
عزة مساء النور يا حبيبتي
حياة عمى لو سمحت كنت عاوزة اتكلم مع حضرتك
عزة اقعدي ياحياة خير ان شاء الله
حياة وهى تفرك يدها لا ابدا بس اصل
عادل بس ايه واصل ايه ماتتكلمى علطول
عزة جرى ايه ياعادل مالك بتزعق فى البنت كده ليه الراحه عليها
تجرى الدموع فى عيون حياة فهى كانت تستحي ان تطلب من امها اموالها فما سيكون حالها عندما تطلب من هذا الشخص
عادل خلاص ياحياة قولى فى ايه
حياة المستر عاوز فلوس الدرس وانا معييش ادفع ودورت فى دولاب ماما قلت يمكن الاقى بس ملقتش لان المرتب بتاعها كان بيكفينا بالعافيه
عزة فلوس وعمك حيديكى منين ياحسرة
عمك مابيشتغلش ياحياة انا اللى بشتغل وبصرف عليه ياقلبي
حياة طب انا حعمل ايه دلوقتى
انا ماما هى اللى كانت بتشتغل
عزة بقولك ايه مش كل كلمه والتانيه تقولى ماما ماما
انسي ياروحى
امك مشت طفشت ومس حترجع تانى
حياة پبكاء انتى بتقولى ايه على ماما
ماما مامشتش وسابتنى ماما كانت روحها فية
ماما حترجع ايوة حترجع
عزة بتمثيل حياة انا اسفه ياحبيبتي متزعليش اصلى معلش مدب فى كلامى اه طبعا اكيد حترجع
ب بصي مش انتى عاوزة فلوس
مش كده
حياة ايوة
عزة خلاص ياحبيبتي اشتغلى واصرفي على دروسك
حياة اشتغل اشتغل ايه وبعدين هو انتم مش جايين تعيشوا معايا عشان تراعونى وتصرفوا علية
عزة لا ياحبيبتى انتى فهمتى الموضوع غلط احنا قاعدين فى ملكنا
حياة ملككم ايه دى شثة بابا وماما
عادل اه اديكى قلتى بابا
وبابا ده يبقى اخويا يعنى انا لية ورث فى الشقه وانا كرم اخلاقى هو اللى منعنى اطالب بيه قبل كده
خياة ايوة بس انا مش حينفع اشتغل وانا بذاكر الثانويه العامه صعبه اوى
عزة خلاص ياروحى يبقى متروحيش دروس وتذاكرى لوحدك
انا اسمع انك شاطرة ورينا الشطارة بقى
حياة دخلت غرفتها وهى تبكى بشده
ليه يارب يحصل معابا كده
فينك ياماما ياحبيبتى سيبتينى ليه
اعمل ايه دلوقتى ياربي
فى الخارج
عادل عزة انا خاېف البت دى تشتكينا للناس اللى جولنا
عزة انت خايب ياراجل ماتقول اللى تقوله محدش ليه عندنا حاجه وبعدين احنا دلوقتى قاعدين وهى لو مش عاجبها تورينا عرض كتافها لكن اتا مش حمشي من هنا انت سامع
انا مصدقت اسكن فى حته عدله
بقولك ايه لنا حدخلها
تدخل عزة على حياة فتجدها تبكى بشده
عزة بمكر شديد حياة يقطعنى انا مكنتش اقصد
بس اعمل ايه العين بصيرة والايد قصيرة وغلاوتك عندى عمك عايش على قفايا وانا اللى بصرف ولو معايا والنبي متاخر عليكى ابدا
حباة طب انا حعمل ايه دلوقتى
عزة بقولك ايه ياقمر قومى قومى تعالى تقعد مع بعض شويه وبكرة حنلاقيلها حل
حياة لا نعلش مش حينفع انا عندى مذاكرة كتير
عزة طب بصي انا ايدي وجعانى فى اطباق فى الحوض ممكن تقومى تغسليها
حياة حاضر حخلص مذاكرة واقوم
تخرج عزة بينما تتذكر موقفا مع امها
فلاش باك
عفاف حياتى مش قلتلك لما تجوعى نادينى وانتى متقوميش من على الكتاب
حباة لا ياماما مش جعانه
عفاف امال ايه اللى دخلك المطبخ
حياة بلم الاطباق عشان اغسلها
عفاف تغسلي ايه ياقلبي
انا مش منبهة عليكى قبل كده اياكى تمدى ايدك فى حاجة
حياة لاء ياماما انتى تعبانه ياخبيبتى وانا كمان عاوزة اتعلم
عفاف ياستى انتى بس خلصي الثانويه العامه دى وبعد كده انا اللى حدخلك المطبخ واعلمك كل حاجه لكن دلوقتى كل المطلوب منك تذاكرى وبس
تبكى حياة على حالها
وتترك المذاكرة لتفعل ماامرتها به عزة
تتوالى الايام وقد امتنعت حياة عن الذهاب الى الدروس واكتفت بالمذاكرة فى المنزل وكانت شهد تاتى لها بورق الدروس وتصورها لها حتى تستطيع المذاكرة منها
بينما عزة لا تتوانى عن مضايقتها ومطالبتها بالعمل فى المنزل والنزول لشراء متطلبات المنزل وتنظيف البيت
حتى انها كانت تسرق الوقت الذى تذاكر فيه
فى منزل شهد
شهد حياة صعبانه عليه اوى يامحمود
محمود ماهى اللى راضيه باللى هيا فيه
شهد لاء طبعا هى مش راضيه بس حتعمل ايه يعنى
محمود هى مش بتذاكر من المذكرات بتاعتك
شهد الموضوع مش مذاكره بس ده عمها ومراته قارفينها غى عيشتها
محمود والله هى لو قالت لاء محدش حيقدر لها على حاجه لكن هى مستسلمه ليهم اوى والزمن ده مينفعش فيه الا القوى
صباح يوم من الايام
حياة تذاكر دروسها بينما تدخل عليها عزة
بقولك ايه ياحياة
حياة نعم ياعزة
عزة بصي انا النهارده مش قادرة اروح الشغل ممكن تروحى انتى بدالى
حياة اروح فين انتى اتجننتى
فلاتشعر الابصفعه قويه تنزل على وجهها
انا اټجننت ياقليلة الادب طبعا حتجيبيه من برة مانتى تربية واحده طفشانه والله اعلم طفشت مع مين وهربت من وشك عشان يخللالها الجو
حياة ماتتكلميش عن ماما متجيبيش سيرة ماما بكلمه
ماما احسن واحده فى الدنيا
عزة ماشي ياروح ماما بس بقى دورى بعد كده على اللى حيصرف عليكى انا بقى مخلفتكيش ونسيتك من النهارده تاكلى وتشربي نفسك انتى فاهمه
ولو بعد كده رديتى علية بكلمه والله لكون رمياكى فى الشارع لكلاب السكك
حياة ترمينى ازاى دى شقة بابا وشقتى
عزة هههههه ابقى اثبتي ياعيوني
حياة وهى تبكى حرام عليكى انا عملتلك ايه ده انتى كل ماتطلبي منى حاجه بعملها على طول
والنبي سيبينى اذاكر عاوزة انجح
عزة ليه ناويه تبقى دكتورة
حياة ايوة حبقى دكتورة
عزة هههههه وهى مصاريف الكليه دى شويه ده انتى طلعتى من الدروس حتدفعى مصاريف الكليه دى منين
طب ده انا اسمع ان مصاريفها عاليه اوى
لكن لو سمعتى كلامى القرش حيجرى فى ايدك ووقتها تصرفي على نفسك وتعليمك
سامعه يابطه
واعملى حسابك من بكرة حتنزلى الشغل والا وربي لحتشوفى ايام سوده
وتتركهاوتخرج بينما حياة تستسلم لدموع عينيها وتترك لها المجال لتنهمر على وجهها بدون توقف
فهى حتى لم يعد باستطاعتها ان تتصل على صديقتها حيث انها لم يعد معها من المال حتى البسيط الذى تستطيع به شحن تليفونها
ياتى صباح جديد يحمل معه الالام والاوجاع
اصبحت ريشه تتقاذفهاالرياح اينما وكيفما شاءت
لم يعد باستطاعتها اتخاذ قرار بشان حياتها
يالله لم اكن اتخيل يوما ان يحدث معى ماحدث
تصرخ حياة فى وجهها
كوافير عاوزانى اشتغل فى كوافير
عزة وماله الكوافير ياحلوة على الاقل حتتعلميلك صنعه حتكسبك دهب وتاكلك الشهد
حياة انا مش عاوزة الدهب ده خليه لك
عزة بس انا عايزاه بقى ياحلوة
بصي بقى عشان تبقى على نور انا مش حصرف عليكى جنيه واحد فاهمه
ايه حتاكلى طوب واللا من صناديق الزباله ولا حتروحى ترمى جتتك كل شويه على صاحبتك
خللى بالك ياست حياة اللى خيستحملك يوم مش حيستحملك التانى فاهمه ياياحياتى
الى هنا لم تستطع حياة السيطرة على مشاعرها
ةصرخت بوجهها بشده متقوليش حياتى انا محدش يقوللى حياتى غير امى امى وبس
عزة وهى تضربها فى صدرها خلاص ياحبيبتى ولا حياتى ولا زفت ولا تزعلى نفسك
عزة حتشتغل سامعه حتشتغلى وورينى مش حتشتغلى ازاى
والله لاطلعك من هنا بفضيحه انتى متعرفينيش ده انا لية ناس يتمنوا يخدمونى
ولو عاوزة تشوفى و اوريكى ياحلوة
حياة منك لله ياشيخه
روحى منك لله
يارب
والنبي والنبي يارب ترجعلى امى انتى فين ياماما
انتى فين ياحبيبتى انا حضيع من
غيرك ياماما
بعد مرور خمس سنوات
يدق جرس الباب فتذهب شهد لفتحه
شهد بفرحه حياة وحشتينى ياحبيبتى وتقوم باحتضانها
حياة ازيك ياشهد عامله ايه يا حبيبتى وحشتينى اوى والله
شهد ياسلام شوف ازاى لو وحشتك بصحيح مكنتيش تغيبي عنى كده
حياة معلش ياشهد مانتى عارفه على مابخلص شغل فى المحل بكون مش قادرة اقف على رجلى ومبصدق اجرى اروح عشان انام
شهد عارفه ياحبيبتى والله
انا بهزر معاكى يابطتى انتى بس بتوحشينى وبيبقى نفسي اشوفك على طول
حياة وهى تتلفت يمينا ويسارا
هو محمود مش هنا واللا ايه
شهد محمود محمود
حياة مالك يا بنتى فى ايه اوعى يكون محمود تعبان واللا حاجه
شهد لا تعبان ايه مش تعبان والله ده بس تلاقيه مع صحابه واللا فى الشغل معرفش بقى
حياة مالك ياشهد هو فى حاجه انتى مخبياها علية
شهد حاجه حاجة ايه بس ياحياة لا مفيش حاجه والله
وبعدين هو انتى حتقضى القعده على محمود واللا ايه
حياة اعمل ايه بس اصله بصراحه وحشنى اوى ومعدتش بشوفه زى زمان
وحتى لما بشوفه مبعرفش اتكلم معاه بحسه دايما مستعجل وزى مايكون زعلان منى فى حاجه
شهد زعلان منك ايه بس ياهبله لا طبعا مفيش حاجه
المهم بس قوليلي عامله ايه مع العقارب اللى عايشه معاهم
يفتح الباب ويغلقه بقوة
ينقلب وجهه عند رؤية حياة
حياة بابتسامه جميله وعشق شديد يظهر على وجهها محمود ازيك يامحمود عامل ايه
محمود بجمود شديد الحمد لله
ويتركها دون ان يعطيها اى اهتمام ويدخل مباشرة على غرفته
شهد وهى تحاول ان تتخطى هذا الموقف الصعب
حياة اقعدى ياحبيبتي
حياة والدموع ټغرق وجهها هو فى ايه ياشهد هو محمود ماله متغير من ناحيتى كده ليه هو انا زعلته فى حاجه
شهد حياة انتى بتعيطى ياحبيبتى
مالك بس استهدى بالله محصلش حاجه
حياة محصلش حاجه ازاى انتى مشوفتيش كلمنى ازاى ده معبرنيش ماهنش عليه