ڤضيحة أم

حاجه انت عاوز تعرفها واتأكد ان لسانى مش حينطق غير باللى قلبي حاسس بيه
يسريلسه جواكى حاجه من الماضي يافرح
فرح والله ابدا يايسري وجودك فى حياتى نسانى كل الاوهام اللى كنت عايشه فيها
هى فعلا كانت مجرد اوهام عشت فيها وصدقتها
صدقنى يايسري انا عرفت معنى الحب الحقيقي معاك
واتاكدت انى اد ايه كنت غلطانه وهبله فى اللى كنت فيه
يسريلا ياحبيبتى انتى مكنتيش هبله انتى بس مااحسنتيش الاختيار
وانا اوعدك يافرح انى حسعدك على اد مااقدر واعوضك عن اى حاجه ۏجعتك
وحكون بالنسبه لك الحبيب اللى يتمناه قلبك
فرحيسري هو انت ليه اخترتنى انا بالذات انت بتشوف كتير ليه مااخترتش حد فيهم

يسريانا ماخترتكيش يافرح قلبي هو اللى اختارك ومش من دلوقتى من زمان اوى
من وقت ماجيتى واشتغلتى فى المكتب معانا
لفتتى نظرى بشقاوتك وضحكك وحركتك الكتيرة
عارفه حتى صوت ضحكتك اللى بتجيب بوليس الاداب دى بردو بمۏت فيها
بس انا وكل اللى كانوا فى المكتب كنا شايفين حبك لشريف
طب كنت حعمل ايه وانا شايف عينيكى كلها عشق لواحد غيري
مقدرتش افرض نفسي ولا مشاعرى عليكى
فضلت صابر وكاتم مشاعري جوايا ووالله كنت بتمنالك السعاده من قلبي
بس والله ماقدرت ارتبط بواحده غيرك كنت كل مابشوفك زعلانه او مضايقه بسببه كنت ببقى عاوز اطبطب عليكى
وفى نفس الوقت عاوز اروح اقتله عشان مش مقدر القلب اللى بيحبه
ويوم المشكله الاخيرة اللى حصلت وبعد مافوقتى وانا اخدتك وروحتك قلت خلاص انا مش حستنى اكتر من كده ومش حسيب الحزن والهم يقهروكى ولازم اخد بايدك واقف جامبك لحد ماتففى على رجلك تانى
حتى لو قررتى متكمليش معايا صدقينى كفايا عليا انى ساعدتك تخرجى من المحنه دى
فرحلا يايسري متقولش كده احنا ان شاء الله حنكمل مع بعض المشوار واحنا ايدنا فى ايد بعض
ومفيش حاجه حتفرق بيننا الا المۏت
انا استحاله افرط فى قلب بيحبنى بالشكل ده
قلب مشفتش منه غير كل حب واخلاص
واوعدك يايسري انى حكون ليك الزوجه والحبيبه وكل دنيتك ودنيتى الحلوة اللي حنغيشها ان شاء الله مع بعض
يسريوهو يقبل يدها انا بحبك يافرح بحبك اوى
فرحوانا كمان بحبك اوى يايسري
يمسك يسري يديهاوينظر للسماء ويدعو الله ان يتم سعادتهم على خير
ونتجه بالنظر الى الثنائى الجميل ملك وفارس
تجلس ملك على الكرسي يقابل وجهها البحر
ياتى فارس من خلفها ويلف سلسله جميله حول رقبتها
ويركع امامها ويقبل يديهابحبك يااجمل واحن زوجه فى الدنيا
ملكالله يافارس ايه السلسله الجميله دى
دى منقوش عليها اسامينا
ملك وفارس والقلبين داخلين فى بعض
الله حلوة اوى يافارس متشكرة اوى
اوى ياحبيبي
فارسدى ابسط حاجه ممكن اقدمهالك واحاول بيها انى اعتذرلك عن كل اللى سببتهولك فى الماضى
ملكنسيت والله نسيت ياحبيبي نسيت
كل اللى فات ومبقتش فاكرة غير الحب والسعاده اللى انت معيشنى فيهم
فارسلا ياحبيبتى انا مهما عملت مش ممكن ابدا حقدر اكفر عن ذنبي فى حقك انا جيت عليكى كتير
وانتى دايما كنتى بتعدى وبتسامحى بقلبك الكبير
ملكعشان قلبي مش بايدى قلبي اللى عمره مادق لحد غيرك يافارس مش قلتلك قبل كده ان حبك ده لعنه
واكتر حاجه مفرحانى من قلبي هو تغييرك مع نور
متعرفش الموضوع ده كان مضايقنى ازاى كان نفسي تحسن علاقتك بيها
كانت ياحبيبتى دايما مقهورة من معاملتك ليها
فارسوالله ولا انا عارف كنت بعاملها كده ليه وليه كنت باعد نفسي عنها كده
دى نور دى ملاك وربنا يقدرنى واعوضها عن كل اللى فات واكون ليها الاخ والسند
ملكحبيبي ربنا يخليك لينا يارب
فارسيعنى بجد سامحتينى ياملك
ملكوازاى مااسامحكش وانت الحب والعشق والغرام كله
يافارس
وان شاء الله حتكون ابو ولادنا يافارس
فارسلاء فارس ده ايه قوليلي يامحاميحو
ملكههههههه هههههه
لاء انت فروستى اللى حتفضل فارسنى كده علطول
ثم تمسكه من ياقة قميصهبس ودينى يافارس لو لعبت بديلك من ورايا تانى
واللا بصيت لواحده كده واللا كده والله لخزقلك عينك دول يافارس
واقطعلك ديلك ده وابقى ورينى بعد كده يافالح حتعمل ايه
وحتلعب بديلك تانى ازاى
فارسيالهوى يافضيحتك يافارس واهون عليكى ياحبيبتى امشي من غير ديل
طب يبقى شكلى ايه والناس تقول عليكى متجوزه واحد من غير ديل
ويقولوا بقى اللى من غير ديل راح اللى من غير ديل جاى
ملكايوة يرضينى يافارس ويرضينى اكتر من كده كمان
عشان محدش يبصلك غيري
انا لو علية عاوزة انقبك يافارس عشان مفيش واحده ست تشوفك غيري ياهمى الكبير ياابوعين زايغه
فارسخلاص ياملوكتى خلاص يا قلب فارس
فارس مش حيكون غير لملك وبس
وعد منى يامجنونه ان عينى مش حتشوف غيرك
يالهوى عالجمال بصي يابت ياملك البطل اللى ماشي ده
ملك تقوم وتجرى وراهليلتك سوده يابن عايده انا عارفه ماهو ديل الكلب عمره مايتعدل
فارسبقى كده يابت سناء بقى انا كلب
ملكاخس عليك يافروستى ده انتى بطتى حبيبتى
فارس هههههه هههههه ايوة كده ناس متجيش غير بالعين الحمرا
ثم بصوت عالى يجعل الكل ينظر اليهم ويضحكون على هؤلاء المجانينبحببببك بحببببك ياملك
بحبك ياملوكتتتى بحبك ياام ولادى اللى لسه مجوش
ملكبحببك يافارس
بحبك يا مچنون يافارسنى
بحبك يامحاميحو
ثم يحتضنها فارس ويلف بها والجميع يصفقون لهم وهم يضحكون عليهم
مؤمنمش ممكن فارس ومراته دول دمهم زى العسل
انا فاكر من ايام الجامعه انه كان شقى كده بس انا قلت انه اكيد كبر وعقل
نورفارس وملك دول احلى حاجه فى البيت
هما اللى بينشروا جو من الفرح والسعاده فى البيت
ربنا يرزقهم بالذريه الصالحه يارب
مؤمنان شاء الله واعملى حسابك احنا كمان عاوزين يبقى عندنا ولاد كتير انا وماما عايشين لوحدينا وعاوزين البيت يبقى مليان ولاد
عاوز اسمع صوتهم مالى البيت وضحكهم وشقاةظوتهم تملى علينا حياتنا
نور بخجلان شاء الله يا مؤمن
مؤمن عارفه يانور اكتر حاجه شدتنى فى عيلتكم الحب والتالف والانسجام اللى بينكم انتم مثال للاسرة الجميله المترابطه
وانا معاكم بحس بدفء الاسرة اللى كان نفسي اعيشه
طول عمرى حاسس انى لوحدى يانور مليش حد غير امى عمر مافى حد اهتم بية غيرها
كل اوقاتى الحلوة والوحشه بعيشها لوحدى
نورمن النهارده مفيش حاجه حتعيشها لوحدك احنا كلنا معاك
وانا معاك يامؤمن وحشاركك فى كل لحظه فى حياتك حكون كل اهلك
وربنا يقدرنى واكون ليك الزوجه اللى تتمناها
يمسك مؤمن يدها ويقبلهاربنا يخليكى لية ياحبيبتى
نورحبيبتك انا
حبيبتك
مؤمنايوة طبعا حبيبتى ومحدش غيرك حبيبتى
نورمؤمن هو انا ممكن اسالك سؤال
مؤمناسالى كل اللى انتى عاوزاه
هو انت ليه اخترتنى انا
يعنى انا عجبتك فى ايه خلاك تقرر تتقدملى
مؤمن بصي يانور اولا انا كنت خاطب من فترة بنت اتعرفت عليها فى حفله بصراحه ومن غير كدب لقيتها جميله جدا ومستواها الاجتماعى راقى جدا
اتغريت بالشكل والمظاهر الكدابه اتقدمتلها وعملنا خطوبه مش قادر اقولك على اللى حصل لما نزلنا صور الخطوبه على الانترنت وكمية التعليقات على جمالها اللى ملوش زى والكل بيحسدوا طبعا سعيد الحظ اللى اتكتبله الحظ انه يتمتع بكل الجمال ده
وطبعا كانت كل طلباتها اوامر
واول حاجه اشترطتها علية انها متعيشش مع ماما فى نفس المكان مع ان وزى ماشفتم لما جيتم عندنا ان الحمد لله الفيلا كبيرة وواسعه وكان حيبقى عندنا الدور بتاعنا لوحدينا لكن هى رفضت المبدا من اساسه
ماما والله يانور وبرغم ان ملهاش حد غيري الا انها كانت موافقه وقالتلي اهم حاجه راحتها هيه
لكن انا كنت رافض ازاى اسيب امى تعيش لوحدها وهى ملهاش حد غيري خصوصا بعد مااخواتى سافروا
واوقات بتتعب وبتبقى محتاجه حد جمبها
وسبحان الله فى الوقت اللى انا كنت محتارفيه ومش عارف اخد قرار
ربنا نورلى بصيرتى وكشفلى الحقيقه كلها قدامى
نورحقيقه حقيقة ايه يامؤمن
مؤمنبصي يانور معلش سامحينى انا مش حقدر اقولك عن السبب هى خلاص مبقتش تخصنى وانا مش حقدر اتكلم عنها وهى دلوقتى ممكن تكون فى عصمة راجل
لكن كل اللى اقدر اقولهولك انى الحمد لله فسخت الخطوبه
وحسيت براحه نفسيه وانه هم واتشال من على صدرى
وقررت انى مفكرش فى الموضوع ده على الاقل لحد ماالاقى اللى تعوضنى انا وامى عن الوحده اللي احنا عايشين فيها
لحد ماقابلتكم فى شرم
والله لفتتى نظرى بتلقائيتك فى الكلام وحبك اللى كان ظاهر لكل عيلتك
بس انا كنت فاكرك متجوزة
ويوم ماجيتلكم وقعدت معاكى لوحدينا ارتحتلك اوى يانور حسيتك دخلتى قلبي
وحسيت كانى اعرفك من زمان
وبصراحه عينيكى الحلوين دول شدونى ليكى اوى
وبصراحه اكتر ماما بقى هى اللى كان ليها الدور الاكبر فى انها تقنعنى انى اتقدملك وشجعتنى وانا لما صليت استخارة حسيت براحه كبيرة
وقررت اتقدم على طول قبل ماحد غيري ياخدك منى وارجع اندم انى فرطت فيكى 
بس يانور هى دى كل الحكايه
وانتى يانور ممكن تقوليلي ايه اللى خلاكى توافقى علية
نوراكلمك بصراحه يامؤمن
مؤمنياريت يانور
نورانا من اول مرة شفتك فيها فى شرم وانا اعجبت بيك
ولما اتقابلنا فى الفيلا وقعدنا سوا شخصيتك عجبتنى جدا
بس متوقعتش انك تفكر ترتبط بية
مؤمنليه يعنى
نوراصلي بصراحه انا قلت واحد زيك وفى وضعك اكيد لما يفكر يرتبط حيرتبط بواحده مانيكان
لكن انا زى مانت شايف مقلبظه
مؤمنهههههه مقلبظه والله احلى قلبوظه فى الدنيا
طب ايه رايك بقى انك عجبانى كده ولو حبيتى تخسي براحتك لكن انتى عجبانى كده يابطتى
ثم يمسك يدهانور انا برغم انى معرفكيش غير من فترة قصيرة لكن صدقينى لو قلتلك انى حاسس انى اعرفك من زمان اوى
حاسس ان ربنا بيحبنى انه شالك لية ياست البنات
انتى مقامك عالى عندى اوى يانور وحب امى ليكى وعدم رفضك انك تعيشى معاها فى مكان واحد علاكى فى نظرى اوى
انا بوعدك يانور وربنا شاهد على كلامنا ده انى حخليكى اسعد انسانه فى الدنيا
وحجيبلك الدنيا كلها بين ايديكى
نوروانا يامؤمن ربنا يقدرنى واكونلك الزوجه اللى تتمناها واكون لمامتك البنت اللى تراعى مامتها وتخدمها برموش عينيها
مؤمنبحبك يانور
نوروانا كمان بحبك يامؤمن
اسرحياة ايه رايك انا نفسي اقعد على الرمله تيجى تقعدى معايا
حباة بابتسامه جميلهياللا بينا
يمشي اسر وبجانبه حياة التى استطاعت
ان تجعل قلبه اسيرا لها ولحبها
يجلس اسر وتجلس حياة بجانبه
اسرفستانك حلو اوى
حياة بخجلشكرا ربنا يخليك
يضع اسر يده تحت ذقنهاويرفع وجهها لتقابل
عيناها عينيه
وعينيكى حلوين
واحلى حاجه فيكى
حياةالغمازة صح
اسرايوة تعرفى ان دى اول حاجه شدتنى فيكى
حياةفكرتك بجنى الله يرحمها صح
اسرايوة فعلا صح
حياةكنت بتحبها اوى كده
اسركنت لا ياحياة انا كنت بحبهاومازلت بحبها
حياة ياااه انا عمرى ماشفت راجل وفى كده لذكرى مراته
اسرلان اللى كان بينى وبين جنى الله يرحمها ماكنش مجرد زواج ده كان حب وعشق
حياةكنتوا بتحبوا بعض قبل ماتتجوزوا كده
اسربالعكس ياحياة انا تقريلا مكنتش اعرف جنى قبل الجواز
حياةمعقوله طب ازاى ده الحب اللى انا شايفاه فى عينيك تجاهها حب عمره سنين يااستاذ
اسرارجوكى ياحياة الله يخليكى عاوزك تشيلى القيود اللى مابيننا مش عاوز اسمع من شفايفك غير اسمى وبس
حياةحاضر
اسرالله حلوة اوى كلمة حاضر منك
حياةههههههه
اسرياربي عالضحكه الجميله دي
حياةبس عاوزة افهم ممكن
اسرمن غير ماتسالى ياحياة انا ححكيلك كل حاجه بس خاېف تزهقى وتمللى
حباةانا لو قعدت جمبك العمر كله عمرى ماحزهق ولا حمل
اسر وقد بدات الدموع تترقرق فى عينيه وانا حفهمك ياحياة
انا طول عمرى فى