رواية جبروت أم
وانتم هنا بتعملوا ايه ما لهم يا جاسر اوعي تقول ان هم يضايقوك في حاجه
جاسر
تعالي اسمعي يا ماما اخواتي عايزين ايه جايين عايزين يشوفوا الشركه ماشيه ازاي وبيقولوا ان هي بفلوسهم
رحمه
ايوه طبعا بفلوسنا بقولك ايه يا ماما احنا مش هنسيب حقنا ثاني
الام
اخرسي قطعه لسانك ماسمعكيش بتزعقي وبتتكلمي كده ثاني فلوس ايه يا ام فلوس كل حاجه هنا بتاعه جاسر وانتم ما لكوش هنا لقمتكم ونمتكم بس لحد ما تتجوزوا ما عايزين تاخذوا الفلوس وتروحوا تصرفوها على الرجاله غريبه
ده في شرع مين يا ماما ده ان شاء الله احنا لنا ورث زينا زيه بالضبط
الام
دي اخره التعليم انا قولتلك اخواتك يقعدوا في البيت ما لهمش في التعليم بقولك ايه يا لمياء انتي كلها سنه ولا اتنين وهيجي ليكي عريس يا حبيبتي وهتتجوزي لما تروحي بقى تبقي تتكلمي جوزك في موضوع الفلوس ده واعلى ما في خيلكم اركبوا
جاسر
ماما انا نازل عشان اشوف سحر وبعدين اروح الشركه مش فاضي لۏجع الدماغ ده
انزل يا حبيبي وبعدها جاسر نزل وانا بصيت
ليها قولت
لمياء
هو احنا مش بناتك احنا مش بنصعب عليك خالص ليه كل حاجه كده لجاسر وامراته واحنا خدامين عندهم
الام
هو كده يا حبيبتي انا واحده لما ابويا ماټ مقلتش لاخواتي انا عايزه ورثي لان البنت ملهاش ورثه اساسا وانتم كمان ما لكوش بس
ويلا بقي انزلوا علي
الشقه تحت
وبعدها فعلا نزلنا وكانت هند قاعده في الأوضه
انا قولتك يا رحمه بلاش مشاكل ما بتسمعش الكلام يا جماعه امكم مش هتتغير ولا هتخلينا ناخذ جنيه من جاسر
لمياء
مش بمزاج يا حبيبتي ده شرع وقانون وانا بجد هاشوف محاميه واخليه يشوف الموضوع ده
رحمه
طيب هو انا ممكن اعرف انت ليه مش عايزه رؤوف هو اللي يشوف الموضوع ده
لمياء
يا جماعه رؤوف بيحبني وعايز يتجوزني وهو باعد نفسه عن اي مشاكل ارجوكم ماتحطهوش في مشاكل مع ماما
والله انا عندي فكره كده بس مش ناويه اقول عليها الا بعد ما انفذها وعدا كام يوم ولقينا
سحر عامله تزعق في الاوضه بتقول
سحر
تعالي يا ماما شوفي عيالك عملوا في ايه عيالك يا ماما مش عايزين ابني يجي انا مش فاهمه عليكم كده حرام عليكم والكل دخل
علي الاوضه وقال
لمياء
ايه ده في اي مالك هو حد يجي جنبك ولا اعملك حاجه
اه يا اختي تمسكني اكيد انتي اللي موزيه اختك تعمل في كده انا مش عايزه فلوس ولا عايزه اي حاجه يا ماما انا عايزه ابني يجي بالسلامه بس
الام
في ايه يا بنتي ما تردي عملوا ليكي ايه
سحر
طلبت من هند تعمل ايه كوبايه شاي عشان حسيت ان دماغي ۏجعاني شويه الاقي الشاي كله قرفه يا ماما وانتي عارفه القرفه تعمل ايه في الجنين
هند
والله ما حصل انا عملت لها الشاي بس من غير ما احط فيه اي حاجه
سحر
اقصدك اي يعني انا كذابه يعني هو انا قادره اقوم من مكاني علشان اعمل كده شوفوا مين فيكم بقى اللي عايز يحصل في كده
الام
وريني كوبايه دي وفعلا اخذت الكوبايه وكانت الكوبايه فيها قرفه كثير ايه ده ما كوبايه فعلا فيها قرفه اهي
لمياء
البنت دي كذابه ماما اكيد هي اتعملت كده عشان عارفه حضرتك هتعملي فينا ايه
الام
اخرسي منك ليها مش عايزه اسمع صوت
لمياء
انا نفسي افهم أن هي اللي بنتك ولا احنا اللي بناتك ماينفعش حتى لو احنا غلطنا تكلمينا بالطريقه دي قدام منها
الام
اسمعي منك لها يا تعتذروا انتم الثلاثه لسحر على اللي حصل ده وبعد كده لو حصل حاجه زي كده ثاني مش هيحصل ليكم كويس يا اما تمشوا من البيت ده
لمياء
يعني اي يا امي نمشي من هنا عايزنا نمشي
من هنا والله مرات اخويا كدابه محدش جه جمبها هي بتعمل كل ده علشان محدش يورث معاها
الام
اه تمشوا من هنا أنا اخاڤ علي مرات ابني
واللي في بطنها منكم وبعدين معندناش بنات
بتورث يا حبيبي كل الورث هيروح لاخوكم
لمياء
الكلام ده كان زمان يا ماما دلوقتي في محاكم وقضايا وهناخذ حقنا من اخونا كويس اوي
الام
هو انتي يا بنتي بتقوليلي انا الكلام ده طي اعملي حسابك بقى انك مش هتباتي في البيت ده يوم واحد
لمياء
لو انتي لسه فاكره ان احنا العيال الصغيره اللي هنخاف منك لا يا ماما احنا لنا في البيت ده زي ما جاسر ليه بالضبط
الام
وانا قولت امشي اطلعي برا مش عايزه اشوف وش حد فيكم هنا وفعلا مشينا احنا الثلاثه من البيت ورحنا عند خالتي
الخاله
ينهار ابيض انتو جاين في وقت متأخر
كده ازاي ادخلوا يا بنات ودخلنا اقعدنا وبعدين
أنا قولت
لمياء
مش عارفه ماما بتعمل فينا كده ليه
والله يا خالتي من ساعت ما البت سحر
دي جت البيت وهي أسلوبها اتغير معانا اوي
الخاله
لا امكم طول عمرها وحشه ومش بتحب الخير
لحد يا حبيبتي
رحمه
والله يا خالتي احنا مكسوفين منك اوي بس
معلش والله مش لاقين مكان نروح ليه
الخاله
ازاي تقولي كده البيت بيتك يا حبيبتي وانتو
برضه بناتي
هند
الا رؤوف فين عايزين نشوف ناوي يعمل
اي في موضوع ورثنا ده
الخاله
بوصي يا هند أنا احطك في عنيا انتي
واخواتك بس بلاش ابني يكون ضد
جاسر في اي حاجه
لمياء
والله يا خالتي أنا قولت ليها كده بس مش
عارفه ليه هي اتكلمت في الحوار ده تاني
الخاله
خلاص خلاص قوموا يلا ادخلوا الاوضه
اللي جوا دي علشان تكونوا برحتكم وفي شقه
جاسر كان قاعد هو وسحر
سحر
كان نفسي تشوف امك عملت اي في اخواتك
انهارده علشاني
جاسر
بقولك ايه دول برضه أخواتي وانا مش هسيبهم
يقعدوا كتير برا البيت
سحر
يعني عايزهم يجوا هنا ويعملوا حاجه فيا
ولا في ابنك اللي في بطني
جاسر
أنا مش مصدق الكلام اللي انتي قولتي
ده وبصراحه كده حاسس أنه حوار منك
سحر
الكلام كان قدام امك ولو
مش مصدقاني
هي عندك تحت أنا قايمه انام يا حبيبي وبعدها
دخلت نامت وفي شقه خالتي جه رؤوف
رؤوف
مساء الخير يا ماما انا جعان اوي عامله اكل
اي
الخاله
والله بنات خالتك مرضيوش يخلوني وافقه
في المطبخ انهارده خالص
رؤوف
اي ده هما جم طيب مش كنتي اتصلتي
بيا كنت جيت شوفتهم
الخاله
ادخل يا حبيبي الاوضه دي وانت تشوفهم
بس خبط علي الباب
رؤوف
اي ده هما هما لسه هو حصل حاجه ولا اي
يا ماما
الخاله
امهم مشيتهم من البيت والله مش عارفه
هي جايبه القلب ده منين
رؤوف
كل ده علشان الفلوس انا مش قادره
اصدق والله ازاي خالتي تبقي كده
الخاله
المهم يا حبيبي دول بنات يعني
الحركه في البيت بعد كده تكون ب حساب
انت فاهم ولا لا
رؤوف
اكيد يا ماما هعمل كده وفي شقه ماما
كانت قاعده هي وسحر
سحر
مش عارفه ايه اللي حصل لك يا حماتي اكلك بقى مائع اوي ليه كده مايتاكلش بصراحه
الام
الله يسامحك يا بنتي ما هو كان عندك اللي بياخدموكي وانتي مشيتيهم من البيت
سحر
هو انا حساكي متضايقه حماتي اوعي تكوني متضايقه علشان عملت كده اصل بصراحه كده المفروض جاسر اللي ياخذ كل حاجه وانتي عارفاني لو قلبت انا هاطعمل ايه
الام
خلاص يا بنتي انا سكت هو أنا اتكلمت
في حاجه وفي الوقت ده الباب خبط
وراحت ماما فتحت
الخاله
انتي ام انتي أنا مش قادره اصدق انك
عملتي كده في بناتك ازاي تسبيهم يمشوا
وفي الوقت ده قامت سحر وقالت
سحر
اصلك متعرفيش كانو عايزين يعملوا فيا
اي مش عايزين
