أنا وحماتي

لجواهرجي قلتله انا هاجي اخدها تاني منك بس لمعها وظبطها واشتريتها قدام بنتك عاااادي خالص ولبستهالها 
وبدات تشوف زي ما اختي اميره كانت بتشوف ودخلتها المستشفى بس هناك هي اللي خلصت على نفسها منكرش اني كنت حزين على بنتك اووووي واللي في بطنها بس اهلي راحوا بسببك ومكنش في اي حاجه هاتمنعني اني انتقم منك يا حماتي انتي وولادك كلهم 
اما باسل ابنك بقى ده موضوووعه كان سهل جدا وبسيط 
انا اللي دخلت الشك في قلبه من ناحيه مراته نيروزا واقنعته انه يركب كاميرات وانا مهندس اليكترونيات وجه في ملعبي وعشان احبك اللعبه عليه صح 
روحت البيت لمراته وفي الاسانسير غيرت لبسي واتعمدت اني اظهر للكاميرا بضهري عشان يبان انه في شقته واحد فعلا وعملت نفسي بقع لما هي فتحت الشقه 
وخليته يتاكد ان في حد في الشقه فعلا ونزلت من قدام البواب اللي اتصل بيه ان في حد غريب سال عنه وطلع شقته فوق 
وبكم الف البواب غير شهادته وقال انه اتصل بيه عشان فلوس الاسانسير وانا بلعبه بسيطه غيرت الفيديو في الكاميرات وخليت مراته ممعهاش حد ومابنش في الكاميرات الا وهو بيدخل ېقتلها بس 
اما في السچن بقى كان سهل جدا ادخله جرعه مخډرات واخلي حد يديهاله ويموته في السچن 
عرفتي ان السن بالسن والعين بالعين والبادي اظلم 
زي ما قضيتي علي عيلتي اللي هي اغلى حاجه عندي كان لازم اقضي علي عيلتك هي كمان ومفيش اي حاجه هاتمنعني من اني اوصل لهدفي 
بصيت لحماتي لقيتها بتزووووووووم عايزة تقرب مني 
قلتلها متحاوليش انا فاهم انتي عاوزة تقولي ايه اني شيطان ايوة شيطان انتي اللي خليتيني شيطان عشان اقدر اقضي عليكي كان لازم ابقي زيك وانتقم منك 
14سنه بفكر وبخطط ازاي انتقم منك 14سنه وانا مابنامش وﻻ باكل وﻻ بشرب كل يوم بحلم اني اخلص عليكي 
انتي بقى عقابك تعيشي كل لحظه الم وندم على اهلك زي ما عيشتها انا كمان 
كان لازم تشربي من نفس الكاس وبنفس الطريقه 
وانا اهو هاروح اقري الفاتحه على روح اهلي 
وانتي هاتعيشي هنا وټموتي هنا 
سلام يا حماتي 
وشديت منها الصورة وسيبت السلسه معاها عشان تفضل تتحسر كل اما تبص ليها.. تمت