قصة كامله
واني كنت بعمل حاجات غريبه وبصوت وان ممكن اكون ملبوسه وان ياسر قد ايه اتعذب معايا ومشفش يوم حلو معايا
انا سمعت كلامها مع ماما ومعرفتش ارد ولا ادافع عن نفسي كل اللي كنت بفكر فيه ازاي كده.....
هو ممكن يكون في ناس كده بيقلبوا الحقايق ويكدبوا بالشكل ده
ماما قالتلها خلاص زي ما دخلنا بالمعروف نخرج بالمعروف
ورجعت الكليه كانت الحل الوحيد علشان انسى اللي حصلي
وفي الكليه مقلتش لحد اني كنت متجوزه
وبعد سنتين لقيت واحد زميلي في الكليه بيطلب انه يجي البيت يتقدملي......
هو شاب محترم وشكله مؤدب وكان بيطلع الأول على الدفعه بس هو ميعرفش حكايتي وكمان انا مش حقدر احب تاني قلبي مبقاش حمل حب وۏجع تاني
وفي عز ما انا بفكر أوافق على العريس ولا لا رن تلفوني..... وكانت المفاجأه
رديت على التليفون........
لقيت ياسر بيقولي سامحيني يا جميله ارجوكي تسمعيني انا مش عارف اعيش من غيرك
ليه تاني يا ياسر راجع تاني ليه عاوز ايه عاوز تدمرني اكتر من كده ايه ليه ده انا لسه كنت حفتح قلبي لايهاب ليه تفكرني بكل الۏجع اللي فات........
رحت تاني يوم الكليه وقابلت إيهاب وحكتله على كل حاجه وقلتله قد ايه انا اتعذبت
روحت البيت وقعدت افكر في إيهاب انا مش بحبه ومش حاسه باي حاجه اتجاهه.......
ولقتني برد على نفسي وبقول فيها ايه ما انا حبيت قبل كده وايه اللي حصل كانت اسوء تجربه ممكن اي بنت تمر بيها
_ بجد يا جميله يارب يا بنتي يعوضك ويسعدك وتبدئي حياه جديده مع واحد ابن حلال يصونك
_ بس ده لسه طالب يا ماما ومعندوش شقه ومستقبله لسه مش مضمون
_ وايه يعني يا حبيبتي ما احنا خدنا اللي عنده شقه ومستقبله مضمون عمل ايه يعني
________________________________________
_ ربنا يكتبلك كل الخير يا بنتي
قمت ودخلت اذاكر في اوضتي لقيت نفس النمره اللي كلمني منها ياسر كنسلت طبعا ورحت متصله بايهاب كأني بهرب من ياسر في اني أقرب من إيهاب اكتر
_ ايوه يا إيهاب عامل ايه
_ انا مش مصدق نفسي انك بتكلميني
_ انا مخنوقه
_مالك بس يا جميله فضفضي
_ مش عارفه بس حاسه اني عاوزه اعيط انا مش عارفه ليه انا تايهه كده
_ ده طبيعي بعد كل اللي مريتي بيه بس لازم تنسى بقى وتبدئى حياه جديده
جميله انا بحبك بحبك من اول لحظه شفتك فيها
_ انا مش بحب الكلام ده
_ انا اسف لو ضايقتك بس مش قادر اخبي مشاعري انتي بقيتي كل حاجه بالنسبه لي واوعدك اني حشتغل ليل ونهار علشان ااقرب المسافه اللي بنا
قفلت السكه مع إيهاب وانا مضايقه مع انه انسان رقيق وطيب هو انا ليه بقيت كده هو انا مش حعرف احب تاني خلاص صديت من جوا من كتر الۏجع
بصيت على التليفون في أيدي لقيت رساله من ياسر بيقولي فيها.......
جميله انا عارف اني ظلمتك بس ربنا انتقم مني انا محتاجك يا جميله ومش حقدر اعدي اللي انا فيه من غيرك
انا عمري ما حبيت ولا ححب حد غيرك.... بحبك
قريت الرساله ويارتني ما
