إسكريبت بقلم سولية نصار
وكمل وقال
ارجعي لجوزك واسمعي كلامه ...قولي لكل الناس اني مت ...
دموعه نزلت وقالت
حرام تدمري حياتك عشان خاطري !
هزيت راسي وقولت
مستحيل يا بابا انت برئ وانا مش هتخلي عنك ابدا ...
قام بعصبية وقال
بس أنا مش عايزك تساعديني ...ارجعي لجوزك واقولك حاجة كمان أنا مش برئ أنا فعلا عملت كده ..ارجعي لجوزك ..هو عنده حق !!!
الجزء التالت بقلم سولييه نصار
مستحيل أصدق اللي بتقوله يا بابا ...انت مش كده ولا عمرك هتكون !!!
قولتها وانا ببكي لقيت بابا قعد علي الأرض وفضل يبكي جامد ...قعدت جمبه وانا بعيط ...
اسف يا بنتي أنا خربت بيتك ...
متقولش كده يا بابا هو اللي طلع انسان مش كويس والحمدلله ان ربنا كشفه لينا ...وانا هقدر اخد بناتي منه كويس متقلقش المهم اطلعك انت من المشكلة دي هكلم محامي تاني عشان للأسف اللي معايا كلب فلوس اكتر وانا مقدرتش ادفعها ودلوقتي أنا بفكر في واحد ...
اتنهدت وقولت
مصطفي ابن ابن عم ماما يا بابا ...قريبنا ...أنا قدرت اخد رقمه وهتصل بيه وهو أكيد هيساعدني
يارب يا بنتي.
خرجت من زيارة بابا وانا منهكة وبعيط ...حاله في السچن صعب عليا اوووي أول مرة اشوف بابا ضعيف كده كان هو مصدر قوتي ...دايما كان قوي ومتفائل بس دلوقتي الوقعة دي دمرته خالص ...بس جه وقتي أنا اقف معاه ...جه وقتي اكون أنا مصدر قوته ...روحت عند ميار وانا فعلا تعبانة كنت مقررة اخد شاور واكلم مصطفي ...هو محامي كويس ممكن يساعدني وكمان هطلب منه يشوف قصة بناتي ويرفع قضية علي ياسر ...فتحت الباب بالمفتاح اللي ادتهولي ميار ولسه هدخل بس اتجمدت في مكاني وانا سامعة حد بيزعق معاها...ده كان مراد جوزها ...بس اللي سمعته صدمني
عيب كده يا مراد وبعدين دكتور حامد برئ وبكرة تشوف ....
انا مليش دعوة ..
زعق فيها وبعدين قال بعصبية
مليش دعوة برئ ولا زفت ...اسمعيني لو ممشتيش الست دي من هنا يبقي تطلقي وتغوري معاها مش ناقص قرف أنا ....
فضلت ابكي وانا ماشية في الشارع كنت فعلا مخڼوقة ...مش عارفة اروح فين ...ودلوقتي فعلا مفيش حد بقا معايا بصيت للسما وقولت
محدش بقا معايا بس واثقة أنك معايا ومش هتسيبني لاني صاحبة حق ...بحاول متخلاش عن الانسان اللي رباني واداني كل حاجة ...
فجأة عرفت هروح فين ...ليه اتبهدل وبيت بابا موجود.....
انام وفتحت النت
