استدعاء القرين

قريت علي النت ان اى حد يكتب اسمه بالعكس في المرأيا ويقولوا تلات مرات بيبقي كتب اسم قرينه قولت طبعا وأكيد دى تخاريف ومفيش الكلام ده ..
يعني انت تقدر تكتب إسمك قدام المرأيا بالعكس 
أيوه ايه اللي هيحصل يعني !!
تقدر تعمل كده 
اه عادى اقدر !
طيب جرب وكلمني او قولك متكلمنيش ..
ده كان كلام صحبي ليا اللي استغربت جدا من اللي قاله صحبي ده بيحب يقرا كتب عن الچن والعالم الآخر وعارف حاجات كتير عنهم ..

بس مكنتش مفكر ان مصدق في الحاجات دى للدرجة دى
بس انا حبيت اجرب واكتب إسمي بالعكس علي المرأيا وأشوف ايه يعني اللي هيحصل !
جيت قدام المرايا وكتبت اسمي بالعكس وقولته تلت مرات 
فضلت واقف لكن محصلش حاجة رنيت علي صحبي وانا بضحك وبقوله اديني كتبت اسمي علي المرايا ومفيش اى حاجة حصلت عشان مصدقش اى حاجة زى كده تاني وكمان تخليني امشي
وراك رد عليا وقال لا اكيد في حاجات حصلت بس انت لسه متعرفاش بس مع الوقت هتعرفها فصلت المكالمة مع صحبي ده وانا بقول لنفسي هو برضه بيجادل ويقول ان في حاجة هتحصل !
رحت انام ومفكرتش في الموضوع تاني بس مش عارف ليه طول الليل وانا نايم كنت حاسس بسخونة في جسمي ورعشة ولان كنا في فصل الشتاء قومت بدري عشان الشغل ودخلت الحمام عشان اغسل وشي وافوق كده بعد ما غسلت وشي واخدت الفوطة اتنشف بيها قدام المرأيا lټصدمت جدا من اللي شوفته كنت واقف قدام المرأيا بس مكنتش ظاهر فيها وكأني مش واقف بحاول استوعب الأمر وبشاور بأيدي في المرأيا لكن مفيش اى حاجة ظاهرة من جسمي في المرأيا..
جريت جبت التليفون من علي الشاحن وكلمت صحبي اللي هو قالي اني اكتب اسمي بالعكس في المرأيا لقيت التليفون بتاعه غير متاح مكنتش مصدق اللي حصل هو معقولة انا جسمي مش ظاهر كده في المرأيا ولا دى تهيأت او يمكن انا لسه نايم و ده حلم تعبت من التفكير ملقتش حاجة أعملها غير ان البس واروح الشغل ..
رحت الشغل مش عارف ليه ! اول ما دخلت الشغل وكل زملأئي في الشغل بيبصولي بصة غريبة وكأنى لسه موظف جديد في الشركة رحت قعدت مكاني في الشغل كان في واحد زميلي قاعد جمبي وده زى ما تقولوا كده صحبي الانتيم سلمت عليه عادى زى كل يوم اتفجأت لما لقيته بيقولي انت لسه جديد معانا هنا ! وفين عمر هو مشي من الشركة ! عمر دا انا كنت سامع اللي قاله وانا في اندهاش كنت مفكروا بيهزر قولتله بتهزر صح !
لقيته بيقولي وهأهزر معاك ليه انا بسألك عادى قولتله مانا مستغرب بصراحة