قصة بقلم ميفو السلطان
يا رب انجدني من اللي انا فيه يا رب انا صابره وانت بتجول يوفي الصابرون اجرهم يا رب ارحمني يا رب خدني تعبت من الذل ده عملت ايه هعيش اكده هكمل اكده لو طلت اطفش كت طفشت بس اروح فين يا رب جايه عند بابك بستنجد بيك ترحمني لتنزل عليها سکينه من ربها وتحس ببعض الراحه وتذهب لتنام لعلها تهرب من واقعها كانت ورد تنام وحيده جميله فاتنه تركت نفسها لتهرب من زمن وصمها پقهر وذل زمن لو ترك الناس واخرجها لهم ستنير لهم الطريق ويلهثون ليصلو اليها ورد عن حق ليست ورده ولكنها ورد جامعه لكل الجمال فنجدها في جمالها ليس لها شبيه من يراها تسرق قلبه دون عناء منها تشع جاذبيه دون اراده منها لو اقتربت منها ستجد الحنان والطيبه تغرقانك دون توقف تعيش لتعطي ولا تعيش لتاخذ تستحق كل ما هو غالي وعزيز ورد تستحق العزيز والاعز ليبذل من اجلها الغالي والنفيس ولكن عندما يكشف اوراقها وتظهر له من وسط العتمه لتفوح رائحتها لتلهبه ويعاني ويعافر حتي يصل لها نامت ورد تشكو ربها ظلم بين وسواد حالك تشكو ايامها وسنينها التي دعكتها وتركتها لكل نفس دنيئه تتخبطها يمينا ويسار كانت ورد مع كل ذلك حامده راضيه تهرب من واقعها ولكن قدر ربنا مقدر ومكتوب واللي مقدره لورد هتشوفه عين اليقين بس ربنا عادل واكيد ورد هيجي يوم وقدرها هيبقي رحمه من ربنا ربما ياتي يوم ستعلو ورد وتعلو ينذل لها كل من لاكها بالسنته حتي لو كان عزيزا في قومه انتظرونا وسنري
اشواك الورد
حكايات
البارت الثالث
اتي الصباح بانفراجه علي عائله وهدان من جراء وسوسه تلك الشيطانه لذلك الضعيف وبسواد كاحل علي عائله صابر لوجود شيطان اصلا في هذه العائله يتحكم في تلك البريئه ليدخل وهدان ويبدأ في بخ سمۏم جليله لابيه واقناعه بتغير الجوازه
هتف الجد بس يا ولدي لو اتعرفت هنتفضح ومش بعيد يجوموها حريجه هنغشوهم يا ولدي
هتف جابر يا ولدي عزيز الجبالي كيف الاسد هينهشنا نهش وانت عارف بت اخوك وسيرتها صحيح البت كيف الملاك ومظلومه بس الڤضيحه طايله وشايطه وماعارفينش نلمها وحتي اولاد اعمامها ماهيرضوش بيها يا ولدي وكلمت اعمامها كتير وعرضت عليهم ارض وفلوس وهنشورها لحد الدار وما حد راضي الڤضيحه موجفه حال البت وهيا كيف الملاك الله ينتجم من اللي عمل في بتنا اكده لو طلته اجيب مصارينه بيدي وينتجم منك يا نعمات عاللي عملتيه
صمت الجد بس يا ولدي عزيز صعب عزيز ماينطاجش واعر وجامد وكيف الحجر ولو حولنا هيرموها في وشنا وتنجلب حريجه ويقولو اننا بنتمسخر بيهم دا عزيز اعفي شباب البلد مافيه ذياته واصل ولا له مثيل يا ولدي دا فارد جلوعه عالكل ماهيرضاش مش عزيز اذا كان ولد عمها مارضيوش عزيز هيرضي
ليقول جابر بس البنته ماهتستحملش ما جايز يعملو فيها حاجه اكده والا اكده البت كيف النسمه جلبي بينخلع عليها
هتف يابوي ورد سيرتها غبره وجوازتها من ابن الجبالي هتخرس الناس وحديتهم وبتنا هتبقي مرته وساعتها هتبقي مرت كبير الجباليه يابوي انت لازمن تفرح للحديت ده هنعلو سيره بتنا وننجي نفسنا يا ابوي ونبعد صابر عن بته وافج يابوي الله يرضي عليك البيت هيتجلب حريجه والبت ھتموت ونتفضح البت صعبانه عليا يا بوي ما هي بت اخويا برضك وكيف بدور عندي بس يا دلدول ياشوره الست
مرت الايام وهناك تداولات بين العائلتين ليتفق الطرفين علي موعد الزواج دخل صابر علي ابنته يخبرها انها ستتزوج اليوم من عزيز الجبالي
انخلع قلبها وصړخت انا يابوي هتجوزني لابن الجبالي يابوي دا شړاني وجادر والكفر كله بېخاف منه ميفوميفو
صړخ فيها اجفلي خاشمك الله في سماه لاكون جاتلك انت تطولي يا بت الكلب دا هيسترك
وانت مفضوحه
دخل الجد لقول براحه يا صابر واسمعي يا بتي انت اللي جه عليكي الدور وعزيز الجبالي كل البنته بتتمني يبصلها عزيز الجبالي يشرف اي عيله بنسبه انا بحميكي وبسترك يا بتي وانت خابره زين اللي حاصل والكلام السو
صړخت يا جدي هترموني عشان يذلوني دول عيله جادره وطايحه ليه يا جدي ليه اكده انا مش بتكو برضك كيف بدور يا جدي موتني بس ماترمنيش اكده عزيز ده واعر وبيكرهنا يا جدي وهيمرر عيشتي ويذل فيا ليه اكده هو انا كلبه ترموني لده بالله عليك عزيز لاه
ھجم عليها والدها اخرسي جطع لسانك لا مانتش كيف بدور يابنت نعمات ولمي خاشمك بدل ماتروحي لعريسك متخرشمه وعزيز لاه ليه هو كان حد عبرك انت تطولي دا هو اللي هيجرف منيكي
ابعده جابر هملها يا ولدي اسمعي يا بتي ده كان سلسال وهنوجفه بالنسب وما فيش بت بتجول وبتنطج احنا هنلم التار بالنسب فاهمه يا بت صابر واهدي اكده وارضي بنصيبك وافرحي انك اخيرا هتنستري وتركوها ورحلو وطلبو من جليله تجهزها
اما هيا فاحست بالدبح كيف
اكده يعملو فيا اكده ليه مش پتهم عاد مالي فيا ايه ناجص عن بدور انا بت صابر وهيا بت وهدان يا رب هكمل حياتي كيف الخدامه وهبقي ممسحه للجبالي وخدامه وابن الجبالي جادر هيطحن ويدوس علي رجبتي اموت نفسي واكمل ليهم ظلت جالسه تنتحب تنهدت اهدي يا ورد هتغضبي ربك
