قصة لاسراء جمال

إختاري اللي يعجبك ممكن تسمعي وتنوعي بينهم أهم حد تسمعيه هو أحمد أبو زيد أكتر حد شفته مؤثر في موضوع تطوير الذات قناته عاليوتيوب إسمها دروس أونلاين بودكاست وعي أحمد عامر شخصية مؤثرة جدا مينفعش نبقى مسلمين ومنعرفش السيرة النبوية أحمد عامر شارحها تحفة قناة أخضر قناة لذيذة كده وفيديوهاتها صغننة فيه دكتورة إسمها أسماء القاضي هتنفعك أوي أنا عارفة إن موضوع الثقة بالنفس عندك واقع شوية بعد آخر فترة فيه بنوتة إسمها حبيبة الهادي اتكلمت في الموضوع ده بطريقة كويسة قناة علي وكتاب شخص واعي فاهم تقدري تسمعيله بودكاست إيه المشكلة من البودكاستات الدينية اللي مش هتملي منها فيه سلسلة من أربع حلقات ل د أحمد العربي عن تذوق الصلاة والقرءان والذكر والدعاء هتفرق في قلبك أوي يا نور.

_كفااااية كتير أوي كل دول عليا.
براحتك كفاية فيديو واحد كل يوم إختاري حد يشجعك ويكون له من نفس الإهتمامات بتاعتك مش لازم تكون صاحبتك ممكن يكون عندك صاحبة كلية وصاحبة خروج وصاحبة تطوير ذات العلاقات هتنفعك في المستقبل.
في اللحظة دي عرفت إن حدوتة حياتي الحقيقية هتبدأ في اللحظة اللي فهمت فيها الخلاصة بدري مش مستوعبة لو كنت سيبت نفسي للزمن!
مش مستوعبة لو ربنا مكنش سخر ليا رحمة كنت هعمل إيه في اللحظة دي أدركت رحمة ربنا ولطفه بيا كون إن المعلومات دي وصلتلي وكون إن حلمي بدأ يلمع ف أنا هكون قده..
_أهم حاجة تتعلمي تستأنسي بنفسك فرحي نفسك بنفسك إوعي تصاحبي ناس غلط علشان تكوني بس عندك صحاب.
الجملة أثرت في نفسيتي أوي..
_إنتي عارفة يا نور أنا عندي صاحبة إسمها ريم بتطلع الأولى كل ترم رحمة بتصحا من الساعة ٤ الفجر بتصل قيام الليل والفجر وتقرأ سورة البقرة يوميا بتقعد تذاكر ساعة واحدة وتنزل المحاضرة في طريقها بتسمع بودكاستات زيي وبليل بتروح تذاكر ساعتين قبل النوم وأهي هتتعين معيدة موقفتش حياتها ونجاحها نجحت في الدراسة وفي الحياة.
دول ناس الحظ زار حياتهم.
_لأ مش الحظ بركة وجود ربنا في حياتها سورة البقرة مبقتش تكمل ساعة معاها بس أثر وجودها في حياتها كان كبير أوي علشان كده قدرت تحقق حلمها إفتكري إنه ما زاحم القرءان شيئا إلا باركه.
صعب عليا أوي أعمل كده.
_طب بلاش ريم اللي بتعمله مش سهل الكل يعمله عارفة اللي كانت طالعة التانية عالدفعة في سنة تالتة إسمها حبيبة حبيبة كانت قلبها نقي سليم بتحب تساعد الناس مؤمنة إنه محدش بياخد رزق حد مفيش شخص بتبخل عليه بمعلومة قدرت تفهم حقيقة الحياة صح وعلشان سلامة نيتها وقلبها النقي ربنا أكرمها اللي بيفتح باب رزق لغيره عمر باب رزقه ما هيتقفل حبيبة كل ما تتزنق في إمتحان أو موقف صعب بتصل عالنبي وفعلا بتحصلها معجزات.
طب وإنتي بتعملي إيه
_أنا باخد من كل دول بقرأ سورة البقرة زى ريم وبحاول أساعد الناس باللي أعرفه زى حبيبة وليا الجزء الخاص بيا بحاول في حلمي هما حلمهم يكونوا معيدين أنا ليا حلم تاني وإنتي ليكي حلم غيرنا لازم تحاولي فيه.
_بس إفرضي حاولت في حلمي ومنجحتش
حاولي تاني وتالت في لحظة ما هتوصلي وإفتكري إن في كل لحظة هتزهقي فيها من المحاولة ممكن تكون دي كانت الخطوة الوحيدة اللي باقية بينك وبين حلمك.
بس المحاولة بتوجع القلب..
_تمن النجاح مش سهل محدش بينجح وهو نايم اللي بينجح بيكون دفع تمنه إتأكدي إن اللي بيسعى هيلاقي نتيجة السعي حتى لو مش 
نفس الطريق اللي
بيسعى بينجح سيبك من أى كلام تاني.
_يعني أبدأ الحدوتة الجديدة
إفرزي القديمة وأحداثها وحطي خبرتها عالجديدة وقتها أضمنلك حتمية الوصول.
_حتمية الوصول!
النجاح الحقيقي يكمن هنا في داخلنا حيث يمكننا أن نبدأ فصل جديد في حكايتنا!
إسراء_جمال