حكاية قاصر

ازاي 
مريم هو اي الي حامل ازاي
هشام اقصد يعني متخيلتش الموضوع ييجي بسرعه كدا
مريم انت مش فرحان ولا اي
هشام لا فرحان اكيد الف مبروك يا حبيبتي 
قرب عليا وضمني وبعد كدا نزل
حسيت ان هشام مش فارق معااه الطفل اني اخلف او لا..طريقه كلامه كانت بااردة بس محطتش في دماغي وقولت يمكن انا الي بيتهيألي او انا وهمت نفسي انه بيتهيألي!!

بعد ما خرج انا فضلت قاعدة مش بعمل اي حاجه خۏفت اتحرك دا غير اني تعبانه ومش قادرة اتحرك اصلا هشام جه بليل جدا ودخل
هشام انتي لسه قاعدة من ساعتها!!
مريم
الدكتور قالي ان الحركه غلط عليه..انا جعانة اوي !
هشام طيب هشوف حاجه نالكلها
تاني يوم
هشام مريم مريم 
مريم اي
هشام فين الفطار ي مريم ما تقومي تحضريلنا حاجه
مريم حاضر هقوم احضره اهو
قومت براحه ونزلت المطبخ ..لقيت نفسي تعبانة ومش
قادرة اقف..طلعت الجبنه وشويه خضار من التلاجه 
هشام اي دا هو فين
باقي الفطار
مريم معلش ي هشام والله مش قادرة اقف 
مردش عليا وقعد فطر ..وبعد كدا خرج م البيت ودخلت اوضتي تاني وقعدت ارتحت ع السرير..
رجع هشام
انتي محضرتليش الحمام ي مريم انا ھموت م التعب النهاردة!!
والله انا تعبانة والدكتور قالي غلط اني اقوم واتحرك كتير
وبقت تعدي الايام علي الحال دا حسيت ان هشام بدأ يتضايق لان تقريبا انا مش بعمل اكل ولا بقوم م السرير حتي..انا مش قادرة اصلا اتحرك قررت انزل لطنط منال والدة هشام تحت عشان تيجي وتساعدني هي صغيرة في السن وصحتها تمام وهتقدر تساعدني شوية وهتقدر الي انا فيه
ازيك ي طنط..
ازيك ي مريم في اي
طب نخش بس مش قادرة اقف
خشي ي حبيبتي
طبعا ي طنط أنتي عارفة اني حامل وانا مش بقدر اتحرك او أعمل حاجه وببقي تعبانة انا والله نزلتلك بالعافية!
معلش ي حبيبتي ..ربنا معاكي
طب ي طنط انا عايزة منك خدمة!
اتفضلي ي حببتي
تساعديني ارجوكي اعمليلنا حتي الاكل بس انا والله بقالي اكتر من تلات اسابيع مش بعمل اي حاجه في البيت الشقة فوق وحشه اوي محتاجة حد يساعدني ف التنضيف بس وقولت لهشام اكتر من مرة يجيب شغاله وهو مش عايز واحدة غريبة تخش بيتنا .
والله ي مريم دي مشكلتكم انتو حلوها بمعرفتكوا..اومال انا جوزته ليه عشان اخلص من مسئولياته..مش حمل اني اشيل مسئولياته ومسئوليات مراته كماان دا غير اني مش فاضيه والله الشغل والنادي واكل كل وقتي
انا ماشية بقي هتعوزي حاجه لحسن تأخرت
هتروحي فين
راحه النادي معزومة مع صحابي براا باي ي حبيبتي
طلعت شقتي فوق وانا متضايقة من والدته بس هي معاها حق قعدت ع السرير وانا تعبانة ومش قادرة م السلم عمالة افكر هعمل اي مين ممكن يساعدني اتصلت بماما
دلالالو ي مريم ...عاملة اي
مريم الو ي ماما..اخبارك اي
الحمد لله..واخبار الحمل معاكي اي
تعبانة اوي ي ماما مش بقدر اتحرك كتير ومش عارفة اعمل اي حاجه لا اخرج ولا اروح اجيب طلبات مش قادرة حتي اعمل اكل !!
معلش ي حبيبتي..ربنا معاكي..جوزك جنبك هيساعدك لحد ما تقومي بالسلامة
هو جنبي ي ماما بس هو زهق بقي يرجع متأخر وبيأكل برا لاني مش قادرة اعمله اكل حتي!
بالله عليكي ي ماما تيجي تساعديني تعالي اقعدي معايا...
آجي فين واسيب ابوكي واختك لا طبعا مش هقدر..بس هبقي ابعتلك آكل دا الي اقدر اعمله معلش ي حبيبتي والله
ماشي ي ماما...متشكره
جه الليل وماما بعتت الاكل مع بواب العمارة بتاعهم.. غرفت طبق رز وطبق بسله حطيتهم ع السفرة لحد ما هشام جه
هشام اي دا ي مريم 
مريم في اي
هشام انتي غارفة الاكل اي حاجه..الاطباق شكلها عامل كدا ليه انتي كنتي بتزوقي الاطباق وتخلي الواحد نفسه تتفتح ع الاكل ..
مريم معلش ي حبيبي والله..بس انت عارف اني تعبانة..وماما هي الي جابت الاكل والله وعد مني اول م اكون كويسه واقوم بالسلامه هعملك كل الي تحبه
ماشي ي مريم ..خلاص
بعد تلات شهور
هشام مريم انا هسافر الغردقة اسبوعين
مريم لا مش هقدر اروح في حته
هشام انا هروح مع صحابي عايزك بقي تحضريلي شنط السفر
مريم وهتسيبني لوحدي وبعدين انت عارف اني تعبانة مش هقدر اقوم اعمل حاجه..انا مش قادرة اتحرك حتي
هشام يووووه هو انتي علطول تعبانة كدا
مريم هعمل اي دا مش بإيدي والله
هشام دي بقت عيشة تقرف ي شيخه لا بتعملي اكل وانا الي بجيبه من برا علطول وامك كل فين وفين عقبال ما تبعتلك حاجه و لا بتغسلي ولا بتكويلي هدومي ولا حتي بتنضفي البيت دي بقت حاجه لا تطاق!!
مريم والله ي هشام ڠصب عني..انا خلاص قربت اولد استني بس شهر ولا شهرين كمان..انت عارف ان كل ما بقرب م الولادة التعب بيزيد عليا ومش بقدر اتحرك والحركه غلط عليا وع الجنين!
هشام خلي حد من زمايلك ييجي يقعد معاكي ولا بسمة اختك ولا اي حاجه !
مريم انت عارف انا بقالي اد اي مروحتش المدرسه
وبعدين اختي في اول سنه ليها ف الكليه يعني مرحلة جديدة وزمانها مش فضيالي
هشام والله انتي حرة بقي اتصرفي
سافر هشام كنت لوحدي مكنتش بعمل اي حاجه كنت بفضل نايمة بالساعات كنت بنام كتير جدا ممكن تستغربوا او تحسوا اني أوڤر بس انا فعلا كنت ببقي تعبانة تعب غير طبيعي
وبعد تلات ايام وانا بتفرج علي التلفزيون لقيت الجرس بيرن قومت وانا بټعذب وبعيط من كتر التعب..فتحت الباب
مريم ..ازيك ي حبيبتي عاملة اي
مريم ادخلي ي ي يارا..ادخلي انا مش قادرة اقف
ياراانتي كان بقالك كتير اوي مش بتيجي دروس من ساعت امتحانات تانيه ثانوي فقولت
آجي اديلك جدول الامتحانات واقعد معاكي شوية روحت مامتك اديتني عنوانك وجيتلك علي طول
مريم كتر خيرك ي يارا والله
ياراانتي باين عليكي تعبانة اوي..
مريم جدا ي يارا...بس هانت كلها شهر وهولد
ياراليه عملتي في نفسك كدا
مريم انتي مفكراني متضايفة لا انا كنت متوقعه اني هتعب بس مش للدرجه دي يس الدكتور قالي اني لازم متحركش بس انا مش قادرة اتحرك انتي مش متخيلة
انا تعبانة ازاي انا مش بقدر اقوم حتي اعمل آكل
يارا يا خبر
ابيض طب انا هساعدك شوية..شوفي انتي محتاجة اي
قامت يارا ونضفت الاوضه بتاعتي وعملتلي اكل وحطته في التلاجه وآكلتني وقضت معايا بتاع نص اليوم
ياراانا همشي بقي ي مريم اصل انا اتأخرت
مريم مش عارفة اقولك اي ي يارا والله شكرا بجد انا اسفه ف سؤالي والله متعرفيش تجيلي تاني انتي متعرفيش انا بعاني ازاي والله .
يارالا صعب اوي ي مريم انا اصلا اول مرة اشتغل واعمل كل دا انا في البيت عندنا مبعملش كل دا دا غير امتحانتنا
مريم طيب ي حبيبتي..يلا بقي عشان مامتك
ياراانا مش هروح انا خارجة مع العيال ومفروض اقابلهم من نص ساعه..يلا سلام بقي
بعد خمس ايام
حسيت اني مخڼوقة من القعاد لوحدي قولت اتصل بطنط منال تطلع تقعد معايا وندردش شوية..بدل الخنقة دي
مريم الو ي طنط..عاملة اي
الحمد لله ي مريم ..في حاجه ي حبيبتي
مريم اطلعي اقعدي معايا شوية ي طنط..بدل قعدتي لوحدي دي!
والله ي حبيتي مش هعرف انا هروح لدكتور الاسنان وبعدها هخرج مع صحابي طالعين رحلة معلش