نور عيني

هي بتعمله ده ويانا يا انت يا نور .
اما نور دخلت بكل ثقه الاذاعه وتقابلت مع مدير القناه واتفقوا على كل حاجه وقالوا لها ان اول حلقه هتصورها بعد اسبوع من دلوقتي فتجهز موضوع يبهر اللي يسمعه علشان برنامجها يتصدر المشاهد وفعلا بعد المقابله على طول راحت تدرس اول حلقه وهتقدم فيها ايه وقررت انها اول حلقه تتكلم عن الټضحية 

وطبعا البرنامج بدا يعمل لها اعلانات كانت بتحضر ليها من بقالها كتير وهي كمان بدات تعمل اعلاناتها على السوشيال ميديا
وكل ده وادم متابعها والغيره بتاكل فيه اكل مش غيره اخ خالص دي غيره حد بيعشق 
نور جهزت كل حاجه والطقم اللي هتلبسه وكانت في غايه الشياكه والاناقه اللي ملازمهم الاحترام ودلوقتي ميعادها هتطلع على الهوا هي اختارت ان برنامجها يكون هوائي مش مسجل 
وفي وقت البرنامج ادم كان قاعد في اوضته وشغل شاشه تلفزيونه مستني البرنامج وهو على نور واول ما نور طلعت على الهوا قلبه ما بطلش دقات وبرده ما يعرفش السبب 
كانت زي القمر وهي قاعده ماليه مركزها وكان عندها ثقه في نفسها ما يعرفش هي جابتها منين واكتسبتها إزاي 
اما عند نور بتتكلم بكل ثقه بعد ما قدمت نفسها ودخلت على طول في موضوع الحلقه وبتقول
النهارده عنوان حلقتنا عن الټضحيه الكلمه دي أذت ناس كتيير أووووي لان كثير من اللي ضحوا خسروا نفسهم وكرامتهم وحياتهم انا جايه النهارده اقول لكم ما تضحوش الا لما تكونوا واثقين ان انتوا ضحيته بسعادتكم وراحتكم علشان خاطر حد يستاهل فعلا وتتاكدوا قبل ما تدخلوا مراحل الټضحيه لانكم هتتعصروا فيها فما ينفعش روحكم تتهلك على ما فيش وساعتها اللي ضحينا علشانهم هما أول إللي هيدوسوا علينا 
وكملت كلامها وهي بتستقبل اول اتصال جالها على البرنامج واللي كانت فيه المتصله بتقول 
انا عايزه اقول لك ان كلامك اثر فيا قوي انا كنت من اللي ضحوا بعمرها وشبابها وكل حاجه حلوه في حياتها علشان خاطر حد جرحني قوي وطلع ما يستاهلش لكن للاسف كان الوقت مر ولا ينفع ارجع ولا ينفع اكمل وبقيت واقفه تايهه 
ردت عليها نور ونصحتها 
ليه ما ينفعش ترجعي لو في اخر نفس في عمرك امشي من المكان اللي ضايقك وخاڼقك وكفايه تضحيه لحد كده صدقيني الحقي اللي باقي من عمرك علشان العمر بنعيشه مره واحده بس وما تقوليش ما ينفعش انت اقوى من كده انت ضحيتي وطالما ضحيتي تبقي قويه علشان كده انا بقول لك امشي وصدقيني اللي انت ضحيتي عشانهم ومشيتي بقوتك هيندموا وهيرجعوا لك ثاني بس ساعتها ما تفتحيلهمش الباب .
وقفلت معاها الكلام وكملت كلامها وهي متاثره بحزن بسبب اللي كلمتها 
لما نركب القطر الغلط واللي اكتشفناه بعد ما مشي بشويه مع اول محطه ننزل ونرجع لان طول ما احنا مطولين في المسافه الغلط تذكره الرجوع هتبقى غاليه جدا 
في مواقف في حياة الإنسان بيكون التنازل فيها هو عين الحكمة وكمال العقل وفي مواقف تانية بيكون التنازل فيها هو المهانة بعينها و الخسارة اللي لا يمكن رفع
الراس بعدها.
وخلوا بالكم مشكلة التضحيات بتتولد في الخفا وټموت في الخفا ومحدش يعرف عنها إنت عملت إيه علشانه ولو وجهت عليها النور هتلاقيها مضلمة يمكن لبثناها توب المنة واحنا مش حاسيين اتكتب عليها أنها تكون في الخفا وأما جزائها ميلقش عليه إلا أن يكون في السما .
كانت كل كلمه بتقولها في البرنامج كانها بتتكلم عن
نفسها بالظبط وخلص البرنامج وجاب نسبه مشاهدات عاليه