قصة السلايف بقلم الكاتب حسن الشرقاوي

قصة. حرب السلايف. . بقلم حسن الشرقاوي 
بجد ياجماعه أنا زودتها إيه إلى أنا بعمله دا إيه الړعب الكوميدي دا هو في كدا والقصص كمان بقت شكل بعضها لا أنا شكلي خرفت وبدأت أأفور علشان كده نغييير بقااا شويه...... مقدمه
السلايف وكرههم لبعض مشكلة كل العصور مافيش حد لاقي ليها تفسير علمي ولا مجتمعي الظاهره دي منتشره في العالم كله وبالأخص في مصر حتي لو أختين متجوزين أخين بتصيبهم اللعنه وبتكون بينهم مشاكل...

القصه
أنا إسمي محمود عندي ٣٠سنه ليا أخ إسمه وليد أصغر مني بسنتين من قريه صغيره تابعه لمحافظة الشرقية أنا متجوز بقالي ٦سنين واخويا وليد بقاله حوالي سنتين....
عايشين في بيت عيله كل واحد مننا ليه شقه خاصه بيه
لكن في عرف الأرياف إنه بيت عيله بحكم إن الأهل في الدور الأول وطبعا كلكم عارفين الكلام دا
لما وليد أخويا اتجوز كنا بناكل تحت مع أهلنا ومقسمين إن كل واحده ليها يوم تعمل فيه الأكل للكل وبعض الأعمال في الدور الأول إلى بيعيش فيه أبويا وأمي خصوصا إنه مالناش اخوات بنات....
كانت الدنيا أول كام شهر زي الفل وكل شيء طبيعي بنروح شغلنا أنا ووليد وزي ما قسمنا بينهم كانت الدنيا ماشيه تمام
كل واحده بتعمل إلى ليها وإلى عليها
لحد مابدأت المأساه
مشاكل بين زوجتي وزوجته على كل حاجه الأمر وبدون الغوص في تفاصيل انتم أكيد عارفينها وعارفين طبيعة المشاكل بتاعت السلايف بتكون عامله إزاي ومدي تفاهتها
إلى خلانا نشيل دا من دا يرتاح دا عن دا بالبلدي وإنعزلنا وكل واحد قعد لوحده في شقته منعا للمشاكل
وكان أبويا وأمي متقبلين دا علشان يريحونا من المشاكل إلى كل يوم بتزيد
لكن الأمر ماوقفش عند كدا حتى بعد ما تعزلنا تطور الأمر لما هو أبعد من ذالك
مشاكل كل يوم وخناقات على أتفه الأسباب وغيره وفي بعض الأحيان بتوصل للضړب
بقينا سيره ومثل لكل لسان بين أهل القريه كلها ماكانش بيعدي يوم من غير مشاكل وخناق بينهم
عملنا كل حاجه غضوبات وغضبناهم ضړب وضربناهم قعدات للصلح وقعدنا لعل وعسي الدنيا تتظبط لكن كل المحاولات فشلت
لحد ما اعتدنا على الموضوع وشوفنا إننا نستحمل ونتجاهل لأن فيه ولاد ماينفعش يبقا في طلاق علشان خاطرهم
ظل الخصام وافتعال المشاكل هو السائد بينهم ..
لكن بالرغم من كل دا أنا واخويا عمرنا ما زعلنا من بعض أو اتخاصمنا كنا متربيين تربيه كويسه وبنحب بعض لكن النصيب إلي وقعنا في اتنين عقلهم صغير ومصابين بمرض عند سلايف كتير مرض الغيره وعدم تقبلهم لبعض
لكن كان زايد عندنا اووي
وكمان مشاكلهم وترقبهم لبعض اتسبب في إهمال كبير لينا كحقوق زوجيه لدرجة إن مراتي بقت حرفيا ناقص تلبس هدومي ونسيت إنها أنثي ....بقلم حسن الشرقاوي 
وإلي زاد الأمر بشاعه إنهم بدأوا يمشوا ورا الشيوخ والأعمال والدجل