قصة السلايف بقلم الكاتب حسن الشرقاوي
إلى كان منتشر اووي عندنا في الأرياف بقوا يروحوا للدجالين يضحكوا عليهم وياخدوا منهم فلوس لدرجة إن الموضوع أصابهم بهلاوس
وفي يوم قابلت واحد صاحبي إسمه حسن الشرقاوي كانت دماغه حلوه شويتين
قال...مالك ياحوده زعلان ليه
قلت..يعني إنت مش عارف ياحسن مابتسمعش عن الحړب إلى عندنا في البيت
ضحك وقال...السلايف .....دي ظاهره يابني في كل البيوت دول زي مايكونوا مولودين فوق روس بعض
سكت شويه وقال..مين قال إنه مافيش حل
الطريقه ١٢٠
قلت.. إيه بتقول اييه ياحسن
قال...الطريقه ١٢٠هي الحل
قلت..وايه هي الطريقه ١٢٠دي
قال...مش بتقول هما مشيوا ورا الشيوخ والأعمال والدجل
قلت.. آه
قال...طييييب هنلاعبهم بالدجل يامعلم وهساعدك خدمه مني ليك
وحكالي على كل التفاصيل إلى هانعملها
قال...لو حبكناها صح وعملت إنت ووليد إلى قلتلك عليه كويس هاتجيب وادينا بنجرب مش هانخسر حاجه
قلت...نجرررب
مشيت وسيبت حسن صاحبي
وروحت وكالعاده لقيتهم عاملين مشكله
ناديت على وليد وحكيتله على الطريقه ١٢٠علشان
علشان يقولي.. أما فكره بنت أبالسه بصحيح
قلت..طيب يالاااااا يابطل نبدأ
المهم عمل حركات كأنه ملبوس بجن فضل يبرق بعنيه جامد ويتشنج وما إلى ذلك
وكرر الأمر دا كتيير لحد ما الكل صدق إنه ملبوس
طبعا كان جزء من الخطه إني هاجيبله شيخ والتاني والتالت
الفكره إننا كنا عاوزين كل الشيوخ إلى بنجيبها نظهر ضعفهم وعدم تمكنهم من علاج وليد إلى بدأ يزود العيار ويعمل حركات غريبه أنا كنت ببقا واقف أضحك في سري عليها
بقلم حسن الشرقاوي
لحد ما في ليله وبعد إتقانه للدور وقفت
وقلت ....لاااا أنا مش هاسكت وطلعت التليفون كلمت حسن إلى كان بيساعدنا وفي مكالمه وهميه
كان واقف مراتي ومراته وسامعين الكلام....
انتهت المكالمه على إنه يعرف شيخ مغربي كبير أوي هو إلى هيعالج وليد أخويا
وقالي إنه هايكلمه وابقي أجيب عربيه وأروح اخده
كانت الدنيا تمام وكل حاجه ماشيه زي الفل
بعد يومين رحت أجيب الشيخ
وظبط الأداء
قلت..يخربيتك دا أنا ما عرفتكش
قال.. اوومال.... لازم نظبط الأداء إحنا بنلعب المهم ماحدش فيكم يغلط
قلت...طيب مش عارف تقول مصري اشمعنا مغربي يعني إنت بتعرف تتكلم مغربي
ضحك وقال..وصيني كمااان لو تحب... المغاربه مشهورين بالحاجات دي يامعلم وماتقلقش أنا ليا ناس صحابي مغاربه لقطت منهم كام كلمه كدا برقا ومرقا وهقا وشقا يعنى بص هانحط القاف والألف ويبقا مغربي أصلي
المهم روحنا للبيت التفينا كلنا حوالين وليد نشوف الشيخ المغربي الكبييير
